2023-02-05 14:45:11, 878 ნახვა
მსოფლიო
პაკისტანის ყოფილი პრეზიდენტი პერვეზ მუშარაფი გარდაიცვალა
ყოფილი სამხედრო მმართველი და პაკისტანის პრეზიდენტი პერვეზ მუშარაფი ხანგრძლივი ავადმყოფობის შემდეგ დუბაიში 79 წლის ასაკში გარდაიცვალა.
მან ძალაუფლება პაკისტანში 1999 წელს აიღო უსისხლო სამხედრო გადატრიალების შედეგად, მას შემდეგ რაც მაშინდელმა პრემიერ მინისტრმა ნავაზ შარიფმა სცადა მისი გადაყენება არმიის მეთაურად.
7 წელზე მეტი ხნის განმავლობაში მუშარაფი გადაურჩა მკვლელობის მინიმუმ სამ მცდელობას. ის ნებაყოფლობით გადადგა იმპიჩმენტის საფრთხის ფონზე და საზღვარგარეთ წავიდა. საპრეზიდენტო არჩევნებში კიდევ ერთხელ მონაწილეობის მცდელობისას დააკავეს.
მოგვიანებით მუშარაფს დაუსწრებლად მიესაჯა სიკვდილით დასჯა, მაგრამ შემდეგ სასამართლოს გადაწყვეტილება გააუქმა. პაკისტანიდან წასვლის შემდეგ გენერალი ცხოვრობდა და მკურნალობდა დუბაიში.
ავტორი: ექსპრესნიუსი,
epn.ge (@expressnews.ge)
