ჩინეთი უკრაინის წინააღმდეგ ომის საწარმოებლად რუსეთს ტექნოლოგიას აწვდის - ამის შესახებ, WSJ წერს.

The Wall Street Journal-ის თანახმად, საბაჟო დოკუმენტები აჩვენებს, რომ ჩინეთის სახელმწიფო საკუთრებაში არსებული თავდაცვის კომპანიები აგზავნიან სანავიგაციო აღჭურვილობას, დაბრკოლებების დაგების ტექნოლოგიას და სანქცირებული გამანადგურებლის ნაწილებს რუსეთის სახელმწიფო თავდაცვის კომპანიებს.

2022 წლიდან რუსეთმა ჩინეთიდან შემოიტანა ორმაგი დანიშნულების საქონლის ათიათასობით პარტია, რომელსაც აქვს როგორც კომერციული, ასევე სამხედრო გამოყენება.

გარდა ამისა, შეერთებული შტატები განიხილავს სანქციების დაწესებას ჩინური კომპანიების მიმართ, კერძოდ, Tiandy Technologies, რომლებიც აწარმოებენ მაღალტექნოლოგიურ სათვალთვალო აღჭურვილობას და ყიდიან მას ირანში.

რამდენიმე დღის წინ The Wall Street Journal- მა დაწერა, რომ თურქეთი აშშ-დან რუსეთში ყიდის საქონელს, რომელიც გამოიყენება რუსული არმიისთვის.

მათივე ცნობით, თურქულმა კომპანიებმა აშშ-ის სანქციების დარღვევით და აშშ-ს ექსპორტის კონტროლის დარღვევით რუსეთში ამერიკული წარმოების ელექტრონიკა, სათადარიგო ნაწილები და სხვა საქონელი გააქვთ. ამ საქონლის ნაწილი აუცილებელია რუსეთის ფედერაციის შეიარაღებული ძალების მომარაგებისთვის.

სულ მცირე 13 თურქულმა ფირმამ 18,5 მილიონი დოლარის ღირებულების საქონელი გაატარა.

შეერთებული შტატების განცხადებით, თურქეთი, სანქციების გვერდის ავლით, რუსეთს აწვდის ქიმიურ ნივთიერებებს, მიკროჩიპებს და სხვა პროდუქტებს, რომლებიც შეიძლება გამოყენებულ იქნას უკრაინის წინააღმდეგ ომში.

ბრაიან ნელსონი, აშშ-ს ხაზინის მაღალჩინოსანი, რომელიც მეთვალყურეობს სანქციების აღსრულებას, ანკარასა და სტამბულში შეხვდა თურქ ჩინოვნიკებს და კერძო ბიზნესს და მოუწოდა მათ უფრო მჭიდროდ ითანამშრომლონ ვაშინგტონთან რუსეთთან სავაჭრო ურთიერთობებზე.

ავტორი: ექსპრესნიუსი,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა