2023-02-03 23:59:28, 1909 ნახვა
ომი უკრაინაში
კიევის რეგიონში რუსი დამპყრობლების მიერ მოკლული 1369 მშვიდობიანი მოქალაქის ცხედარი აღმოაჩინეს
კიევის რეგიონში რუსი დამპყრობლების მიერ მოკლული 1369 მშვიდობიანი მოქალაქის ცხედარი უკვე აღმოაჩინეს, - ამის შესახებ კიევის რეგიონის პოლიციის უფროსმა, ანდრეი ნებიტოვმა განაცხადა.
მისივე თქმით, ამჟამად 197 ცხედარი ამოუცნობია, 300 ადამიანი კი დაკარგულად ითვლება.
მანვე დასძინა, რომ კიევის რეგიონის სამართალდამცველებმა 10 ათასზე მეტი სისხლის სამართლის საქმე აღძრეს რეგიონში, რუსების მიერ ჩადენილ დანაშაულებზე. პროცესების უმეტესი ნაწილი კი განსახილველად უკრაინის უსაფრთხოების სამსახურის გამომძიებლებს გადაეცათ.
„ეროვნული პოლიცია აგრძელებს დახმარებას პირველადი დაფიქსირების და ექსპერტიზის საკითხებში“, - განაცხადა ნებიტოვმა.
ავტორი: ექსპრესნიუსი,
epn.ge (@expressnews.ge)
