არ არსებობს არავითარი კონსპირაცია, რომ ჩვენ რამეს გვიხდის "ერთიანი ნაციონალური მოძრაობა" ან გადაგვიბირა მიხეილ სააკაშვილმა - ასეთი რამაც მსმენია, - ამის შესახებ ევროპარლამენტარმა, მარკეტა გრეგოროვამ ევროპარლამენტში საქართველოს მესამე პრეზიდენტის მდგომარეობასთან დაკავშირებით გამართულ დებატებზე განაცხადა.

გრეგოროვამ სიტყვით გამოსვლისას მიმართა საქართველოს ხელისუფლებას, რომ იფიქრონ იმ ქულებზე, რომლებსაც ექსპრეზიდენტის ციხეში დატოვებით დაკარგავენ.

"მიხეილ სააკაშვილის საქმე იმდენად ფარავს ყველაფერს, რომ მას თვალს ვერ ავარიდებთ. ის აჩვენებს ყველაფერს, რაზეც აქამდე ვისაუბრეთ - პრობლემებზე, რეფორმებზე, სასამართლო სისტემისადმი უნდობლობაზე, პოლარიზაციაზე, დეზინფორმაციაზე. არ არსებობს არავითარი კონსპირაცია, რომ ჩვენ რამეს გვიხდის "ერთიანი ნაციონალური მოძრაობა" ან გადაგვიბირა მიხეილ სააკაშვილმა - ასეთი რამაც მსმენია. ჩვენ გვაღლევებს ეს იმიტომ, რომ ასეც უნდა იყოს. ეს არის ღრმად პოლიტიზებული საქმე - ადამიანი კვდება ციხეში. ვთხოვ საქართველოს ხელისუფლებას, არ იფიქროს მხოლოდ პოლიტიკურ ქულებზე, რომლებიც შეიძლება ციხეში მისი დატოვებით მიიღონ, არამედ იფიქროს იმ ქულებზეც, რომლებიც შეიძლება ამით დაკარგონ იმიტომ, რომ დღეს ჩვენ მოგვიწევს ვისაუბროთ პოლიტიკურ პატიმარზე კანდიდატის სტატუსის ნაცვლად", - განაცხადა გრეგოროვამ.

ცნობისთვის, დებატები ევროპარლამენტარ ანნა ფოტიგას ინიციატივით ტარდება. 1-ელ თებერვალს, სხდომაზე ფოტიგამ განაცხადა, რომ საქართველოს მესამე პრეზიდენტის მძიმე მდგომარეობის შესახებ ყველა ინფორმირებულია. მის წინადადებას მხარი კენჭისყრაზე დეპუტატების უმრავლესობამ დაუჭირა.  

ავტორი: ექსპრესნიუსი,

სოციალური ქსელები

აიღეთ ციფრული Amex ბარათი და ისარგებლეთ სპეციალური პირობებით

ნობელის მშვიდობის პრემია მიენიჭა გაეროს ყოფილ კომისარს ნავი პილაის

პაპუაშვილი - თუ ევროკავშირს უნდა საქართველო მისი წევრი გახდეს, ასეთი პარლამენტით ვერ მიგვიღებს

ლილოს ნაგავსაყრელის გატანაზე კვლევები ტარდება