აუცილებლად ვიპოვით ყველა დამნაშავეს და დავსჯით, ისინი არ იმსახურებენ მოწყალებას,- ასე გამოეხმაურა უკრაინის პრეზიდენტი, ვოლოდიმირ ზელენსკი ქალაქ კრამატორსკზე რუსი ოკუპანტების მიერ განხორციელებულ სარაკეტო თავდასხმას.

მისი თქმით, რუსული ტერორიზმის შეჩერების ერთადერთი გზა მისი დამარცხებაა.

"საცხოვრებელი კორპუსი, სარაკეტო შეტევა. მშვიდობიანი მოქალაქეები დაიღუპნენ და ნანგრევების ქვეშ არიან.

ეს არ არის ისტორიის გამეორება, ეს არის ჩვენი ქვეყნის ცხოვრების ყოველდღიური რეალობა. ქვეყანა, რომელიც ტერიტორიულად ესაზღვრება აბსოლუტურ ბოროტებას და რომელმაც უნდა გადალახოს იგი, რათა ნულამდე დაიყვანოს ასეთი ტრაგედიების განმეორების ალბათობა.

ადგილზე ყველა საჭირო სერვისი მუშაობს, მიმდინარეობს ადამიანების დროებითი განსახლება, პირველადი სამედიცინო დახმარების გაწევა, ნანგრევების გაწმენდა.

გულწრფელ სამძიმარს უცხადებს დაღუპულთა ოჯახებს და მეგობრებს. ჩვენ კი აუცილებლად ვიპოვით ყველა დამნაშავეს და დავსჯით. ისინი არ იმსახურებენ მოწყალებას",- განაცხადა ზელენსკიმ.

შეგახსენებთ, რომ რუსმა ოკუპანტებმა დღეს ღამით დონეცკის რეგიონის ქალაქ კრამატორსკზე სარაკეტო იერიში განახორციელეს. თავდასხმის შედეგად დაიღუპა 3 ადამიანი, ხოლო 21 დაშავდა. 

ავტორი: ექსპრესნიუსი,

სოციალური ქსელები

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?