უკრაინელმა სამხედროებმა დონეცკის ოლქის ქალაქი, სოლედარი დატოვეს,- აღნიშნულის შესახებ უკრაინის აღმოსავლეთ ძალების ჯგუფის სპიკერმა, სერგეი ჩერევატიმ განაცხადა.

მისი თქმით, სამხედროებმა წინასწარ მომზადებულ პოზიციებზე გადაინაცვლეს.

„პერსონალის სიცოცხლის შესანარჩუნებლად, თავდაცვის ძალები გავიდნენ სოლედარიდან, გამაგრდნენ მომზადებულ თავდაცვით ხაზებზე. მათ შეასრულეს დავალება: არ მისცეს მტერს გაერღვიათ ფრონტის ხაზის დონეცკის მიმართულება",- განაცხადა ჩერევატიმ.

ჩერევატის თქმითვე, უკრაინის შეიარაღებულმა ძალებმა ამ მიმართულებით რუსული ძალები ამოწურა. 

„ფრონტის ხაზი გაათანაბრა. არ ყოფილა ჩვენი ჯარის დატყვევება. ჩვენ არ შეგვიძლია მივიღოთ ის ფუფუნება, რასაც ჩვენი მტერი იძლევა, უბრალოდ მებრძოლების სასაკლაოზე გადაგდება.

ჩვენ ვცდილობთ მანევრირებას, დარტყმას, ტაქტიკის გამოყენებას მცირე ჯგუფები, რათა მტერი მაქსიმალურად დაიღალოს“,- დასძინა ჩერევატიმ.

შეგახსენებთ, რომ 13 იანვარს რუსეთის ფედერაციის თავდაცვის სამინისტრომ სოლედარზე სრული კონტროლის დამყარების შესახებ განაცხადა.

აღნიშნული მალევე უარყო უკრაინის თავდაცვის სამინისტრომ და განაცხადა, რომ ბრძოლა სოლედარისთვის გრძელდებოდა.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა