მე ამაში ცუდს ვერაფერს ვხედავ, პირიქით, ეს შეიძლება ჩვენი ქვეყნისთვის კარგიც იყოს,- ასე გამოეხმაურა თბილისის მერი, კახი კალაძე რუსეთის საგარეო საქმეთა მინისტრის, სერგეი ლავროვის განცხადებას, რომ რუსეთი საქართველოსთან პირდაპირი ფრენების განახლებას მალე შეძლებს.

მისი თქმით, რუსეთში და პირდაპირი ფრენები ადამიანებს თუნდაც მიმოსვლაში დაეხმარება.

„ამასთან დაკავშირებით მე განცხადება უკვე გავაკეთე. თქვენ იცით, რომ ფრენები ცალმხრივად იყო შეზღუდული, საქართველო სანქცირებული იყო. თუ მათი [რუსეთის] მხრიდან ეს გადაწყვეტილება მიღებული იქნება, მე ამაში ცუდს ვერაფერს ვხედავ. პირიქით, ეს შეიძლება ჩვენი ქვეყნისთვის კარგიც იყოს. კარგი იმ თვალსაზირისითაც, რომ რუსეთში მილიონამდე ჩვენი თანამემამულე ცხოვრობს რუსეთში და პირდაპირი ფრენები ადამიანებს თუნდაც მიმოსვლაში დაეხმარება“,- განაცხადა კალაძემ.

შეგახსენებთ, რომ გუშინ რუსეთის საგარეო საქმეთა მინისტრმა სერგეი ლავროვმა იმედი გამოთქვა, რომ საქართველოსთან პირდაპირი ფრენები მალე აღდგება.

ფრენების შეწყვეტის შესახებ ბრძანება რუსეთის პრეზიდენტმა, ვლადიმერ პუტინმა 2019 წლის 21 ივნისს გამოსცა. ამის მიზეზი კი, საქართველოში 2019 წლის ივნისში მიმდინარე ანტისაოკუპაციო აქციები გახდა.

ავტორი: ექსპრესნიუსი,

სოციალური ქსელები

PSP-ს საერთაშორისო აღიარება - Curasept-ის ჯილდო საუკეთესო საგანმანათლებლო პროექტისთვის

ზურაბიშვილი: ყეინიშვილის 84 ხმით დამტკიცება იყო "ოცნების" გააზრებული პოლიტიკური არჩევანი

ძიუდოისტი ილია სულამანიძე მსოფლიო ჩემპიონი გახდა

მოსკოვის ყველა აეროპორტმა მუშაობა შეაჩერა, დრონებითა და საჰაერო ბურთებით თავდასხმების გამო