ევროპის უსაფრთხოებისა და თანამშრომლობის ორგანიზაციის გენერალური მდივანი, ჰელგა მარია შმიდი ორგანიზაციიდან რუსეთის გარიცხვის წინააღმდეგია. 

მისი თქმით, ერთ დღეს ორგანიზაციას კვლავ დაგვჭირდება რუსეთთან საკომუნიკაციო არხები.

„ყოველ შემთხვევაში, დღევანდელი გადმოსახედიდან, ვფიქრობ, აზრი აქვს, რომ რუსეთი დარჩეს ეუთოს წევრად“, - განაცხადა შმიდმა.

ამასთან, უკრაინის საგარეო საქმეთა მინისტრმა, დმიტრო კულებამ რუსეთის აგრესიის ფონზე, ეუთოს წარმომადგენლებს მისი ორგანიზაციიდან გარიცხვისკენ მოუწოდა.

”ერთ დღეს ჩვენ კვლავ დაგვჭირდება საკომუნიკაციო არხები”,- დასძინა შმიდმა.

მისივე თქმით, ეუთო არის ერთადერთი უსაფრთხოების ორგანიზაცია, რომელშიც ყველა, ვინც მნიშვნელოვანია ევროპის უსაფრთხოების არქიტექტურისთვის, ერთ მაგიდასთან ზის. ის გამოვიდა ცივი ომის დაპირისპირებიდან და დაარსდა ძალიან განსხვავებული ინტერესების მქონე ქვეყნების მიერ, რომლებსაც მაინც სურდათ ესკალაციის თავიდან აცილება.

ცნობისთვის,ნოემბერში უკრაინის პრეზიდენტმა, ვოლოდიმირ ზელენსკიმ გააკრიტიკა ევროპის უსაფრთხოებისა და თანამშრომლობის ორგანიზაცია იმის გამო, რომ ის საკმარისად არ იყო ჩართული ომის დაასრულების საკითხში.

ავტორი: ექსპრესნიუსი,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა