2022-12-19 11:20:09, 1670 ნახვა
მსოფლიო
ტაილანდის ყურეში სამხედრო ხომალდი ჩაიძირა - 31 მეზღვაური უგზო-უკვლოდ დაკარგულად მიიჩნევა
ტაილანდის ყურეში შტორმის შედეგად ტაილანდის სამხედრო ხომალდი ჩაიძირა. BBC ქვეყნის საზღვაო ძალებზე დაყრდნობით იუწყება, რომ ხომალდზე მყოფი 100-ზე მეტი ადამიანიდან 75-ის გადარჩენა მოხერხდა, 31 მეზღვაური კი, ამ დრომდე უგზო-უკვლოდ დაკარგულად მიიჩნევა.
შემთხვევა წუხელ, გვიან ღამით მოხდა. სამძებრო ოპერაცია მთელი ღამის განმავლობაში მიმდინარეობდა და ამ დრომდე გრძელდება.
"12 საათზე მეტი გავიდა, მაგრამ ჩვენ გავაგრძელებთ ძებნას", - უთხრა BBC-ის საზღვაო ძალების წარმომადგენელმა.
მისივე თქმით, მომხდარის მიზეზების დასადგენად, გამოძიება დაწყებულია.
ავტორი: ექსპრესნიუსი,
epn.ge (@expressnews.ge)
