ქვეყნის მეორე პრეზიდენტის მკვლელობის მცდელობა არავის არ გაუვა, - ამის შესახებ "ერთიანი ნაციონალური მოძრაობის" თავმჯდომარემ, ნიკა მელიამ მიხეილ სააკაშვილთან დაკავშირებით განაცხადა.

როგორც მელიამ მედიის წარმომადგენლებს უთხრა, "ქართული ოცნების" ხელისუფლება ცდილობს, რომ საქართველოს მესამე პრეზიდენტი სულ მცირე უუნარო გახადოს.

"ვთქვი ბევრჯერ და გავიმეორებ - ადეკვატური იქნება ჩვენი საზოგადოების რეაქცია ყველა ამორალურ, არაადამიანურ მდგომარეობასთან დაკავშირებით... ყველაფერს აქვს საზღვარი - ადამიანის სიცოცხლე არის რისკის ქვეშ და იუსტიციის მინისტრის გუშინდელი განცხადება, რომ თითქოს მიხეილ სააკაშვილი სიმულირებს და დაიმუქრა კადრების გასაჯაროვებით, რას ემსახურებოდა? ეს ემსახურებოდა შემდეგ რაღაცას, რომ საზოგადოებას იქნებ რამენაირად ჩაუწვეთონ აზრი თავში, რომ მიხეილ სააკაშვილი სინამდვილეში არ არის ცუდად. საზოგადოებას ამის აღარ სჯერა... ცუდია, ძალიან ცუდია, რასაც ახლა აკეთებს ხელისუფლება. პირდაპირ გეუბნებით - ყველაფერს აკეთებს იმისთვის, რომ მიხეილ სააკაშვილი მინიმუმ გახდეს უუნარო. ის ყველაფერს აკეთებს იმისთვის, რომ სახელმწიფოს მიაყენოს მტკივნეული დარტყმა. ქვეყნის მეორე პრეზიდენტის მკვლელობის მცდელობა არავის არ გაუვა", - თქვა მელიამ. 

ავტორი: ექსპრესნიუსი,

სოციალური ქსელები

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია

უკრაინის შეიარაღებულმა ძალებმა დონის როსტოვში ნავთობტერმინალზე თავდასხმა განახორციელეს - 6 ადამიანი დაიჭრა