სწრაფად უნდა მოვრჩეთ საარჩევნო ტურბულენციას, რომ პარტია აქედან გამოვიდეს გაძლიერებული და სტაბილურად ძლიერად გააგრძელოს მოქმედება და მოძრაობა, - ამის შესახებ "ერთიანი ნაციონალური მოძრაობის" თავმჯდომარეობის ერთ-ერთმა კანდიდატმა, ლევან ხაბეიშვილმა განაცხადა.

როგორც ხაბეიშვილმა პარტიის ცენტრალურ ოფისში პოლიტსაბჭოს სხდომის დაწყებამდე ჟურნალისტებს განუცხადა, მთავარი ერთობის შენარჩუნებაა.

"საზოგადოებამ კარგად უნდა იცოდეს, რომ დღევანდელ პოლიტსაბჭოს სხდომაზე "ნაციონალური მოძრაობისთვის" და ჩვენთვის ძალიან მნიშვნელოვანია ერთობა და შესაბამისად, ჩვენი მხრიდან რამე საკითხზე განსხვავებულ პოზიციებზე კამათს, ან პოლიტსაბჭოს წევრების უხერხულ მდგომარეობაში ჩაყენებას, რომ რამე პოზიცია დაიკაონ, ადგილი არ ექნება. მეტიც, ჩვენთვის უმნიშვნელოვანესია პრეზიდენტ სააკაშვილის ჯანმრთელობა, სიცოცხლე, მისი სასამართლო პროცესი, ამიტომ ცხადია, გვაინტერესებს ჯერ კიდევ მოქმედი თავმჯდომარის გეგმა, რას აპირებს უახლოეს დღეებში და ასევე მნიშვნელოვანია, გამოცხადდეს თარიღი არჩევნების შიდაპარტიული იმიტომ, რომ სწრაფად უნდა მოვრჩეთ საარჩევნო ტურბულენციას, რომ პარტია აქედან გამოვიდეს გაძლიერებული და სტაბილურად ძლიერად გააგრძელოს მოქმედება და მოძრაობა. შესაბამისად, რამე წარმოდგენა რომ არ იყოს, თითქოს ჩვენ რამეზე აზრთასხვადასხვაობა გვექნება ან ცხარე კამათებში შევალთ ერთმანეთთან, პირდაპირ გეუბნებით, რომ ასე არ იქნება მარტივი მიზეზით, რადგან ჩვენ გვჭირდება ერთობა", - განაცხადა ლევან ხაბეიშვილმა. 

ცნობისთვის, "ერთიან ნაციონალურ მოძრაობაში" პოლიტიკური საბჭოს სხდომა ამ წუთებში იწყება. სხდომას ხაბეიშვილთან ერთად, კიდევ ერთი თავმჯდომარეობის კანდიდატი და მოქმედი თავმჯდომარე ნიკა მელიაც ესწრება. რაც შეეხება მესამე კანდიდატს, პარტიის ოფისში გიორგი მუმლაძე არ მისულა. არსებული ინფორმაციით, პოლიტსაბჭომ თავმჯდომარის არჩევნების თარიღი უნდა დაადგინოს.

ავტორი: ექსპრესნიუსი,

სოციალური ქსელები

ტრამპმა თეთრი სახლის ახალი პრესმდივანი დანიშნა

ჟაპორეჟიაში რუსულა ავიაბომბამ რვა ადამიანის სიცოცხლე იმსხვერპლა აქედან 3 ბავშვია

აშშ უკრაინას დაზვერვის შეწყვეტით დაემუქრა, რუსეთის ნავთობგადამამუშავებელ ქარხნებზე თავდასხმების გამო - Axios

პროკურატურა - მსჯავრდებულ გიორგი დავითაძის მიმართ შესაძლო სექსუალური ძალადობის ფაქტზე მიმდინარე გამოძიება დასრულდა და დადგინდა, რომ მის მიმართ რაიმე სახის ძალადობას და დანაშაულებრივ ქმედებას ადგილი არ ჰქონია