2022-11-06 17:45:03, 1990 ნახვა
სამართალი
პოლიციამ დააკავა რუსეთის მოქალაქე, რომელიც თბილისში, ქუჩაში ქართველებს აგინებდა
პოლიციამ დააკავა რუსეთის მოქალაქე, რომელიც სავარაუდოდ, ნასვამ მდგომარეობაში მყოფი თბილისში, აღმაშენებლის გამზირზე ქართველებსა და საქართველოს აგინებდა.
როგორც "ექსპრესნიუსს" შინაგან საქმეთა სამინისტროში განუცხადეს, მამაკაცი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და სამართალდამცავებისადმი დაუმორჩილებლობას გულისხმობს.
ცნობისთვის, ვიდეო, რომელშიც ჩანს, რომ მამაკაცი საქართველოსა და ქართველების მისამართით ერთი და იგივე შეურაცხმყოფელ სიტყვებს იმეორებს, გუშინ, 5 ნოემბერს გავრცელდა.
ავტორი: ექსპრესნიუსი,
epn.ge (@expressnews.ge)
