საომარი მოქმედებების ზონაში, ნაწილობრივი სამხედრო მობილიზაციის ფარგლებში გამოძახებული 300 ათასი ადამიანიდან 87 ათასი მობილიზებული გაიგზავნა, - ამის შესახებ რუსეთის ფედერაციის თავდაცვის მინისტრმა, სერგეი შოიგუმ განაცხადა.

როგორც შოიგუმ აღნიშნა, მობილიზებულების უკრაინაში გაგზავნა „დამატებითი წვრთნისა და საბრძოლო კოორდინაციის შემდეგ" მოხდა.

„დამატებითი წვრთნისა და საბრძოლო კოორდინაციის შემდეგ, 87 000 ადამიანი გაიგზავნა საომარი მოქმედებების რაიონებში“, - განაცხადა შოიგუმ.

მისივე თქმით, წვრთნაში ჩართული იყო სამი ათასამდე ინსტრუქტორი, რომლებმაც საბრძოლო გამოცდილება სპეცოპერაციის დროს შეიძინეს.

თავდაცვის მინისტრმა ასევე აღნიშნა, რომ 1-ელ ნოემბერს რუსეთში საშემოდგომო გაწვევა დაიწყო, თუმცა უკრაინაში წვევამდელების გაგზავნა არ იგეგმება.

ცნობისთვის, რუსეთმა გუშინ, 31 ოქტომბერს ნაწილობრივი მობილიზაციის დასრულების შესახებ განაცხადა.

პრეზიდენტმა, ვლადიმერ პუტინმა ქვეყანაში სამხედრო მობილიზაცია 21 სექტემბერს გამოაცხადა.

ავტორი: ექსპრესნიუსი,

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს