მოლდოვის ჩრდილოეთით, ოკნიცას რაიონის სოფელ ნასლავჩაში, რუსული რაკეტა ჩამოვარდა. ამის შესახებ ინფორმაციას მოლდოვის შინაგან საქმეთა სამინისტრო ავრცელებს.

უწყების ცნობით, რაკეტა უკრაინის საჰაერო თავდაცვის სისტემამ ჩამოაგდო და უკრაინის საზღვართან დასახლების გარეუბანში ჩამოვარდა.

შემთხვევას მსხვერპლი არ მოჰყოლია, მაგრამ ნასლავცეში რამდენიმე სახლი დაზიანდა. 

„უკრაინის ხელისუფლებამ განაცხადა, რომ დღეს დილით მოხდა თავდასხმა უკრაინაში დნესტრის ჰიდროელექტროსადგურის კაშხალზე, რომელიც მდებარეობს ნასლავჩას კაშხლიდან 10 კმ-ში. რუსეთის თავდასხმა კაშხალს არ შეეხო. უკრაინის ხელისუფლება ამბობს, რომ საფრთხე არ არსებობს“, - ნათქვამია განცხადებაში. 

სამართალდამცავებმა შესაძლო საფრთხის თავიდან ასაცილებლად ტერიტორია, სადაც რაკეტა ჩამოვარდა, ლენტით შემოსაზღვრეს. შემთხვევის ადგილზე მობილიზებულია ოპერატიული ჯგუფი.

ავტორი: ექსპრესნიუსი,

სოციალური ქსელები

კალაძე ტაქსისტებს - მეგობრებო, აუცილებლად გადაიხადეთ დავალიანება, წინააღმდეგ შემთხვევაში, ჩვენ მოგვიწევს ნებართვების გაუქმება

ციხეში მყოფი ელენე ხოშტარიას ჯანმრთელობის მდგომარეობა დამძიმდა - ადვოკატი

სუს-ში რკინიგზის საქმეზე დაკავებულების ადვოკატები მივიდნენ, მათ ბრალი წარედგინათ

საქართველო შეიძლება, დარჩეს ერთადერთ ქვეყანად, რომელიც სრულად იქნება კონტროლირებადი რუსეთის მიერ - ჟალიმასი