3 ნოემბერს ევროსასამართლო გიორგი მამალაძის საქმეზე მიღებულ გადაწყვეტილებას გამოაცხადებს.  დილის 10:00 საათზე გახდება ცნობილი დატოვებს თუ არა ციანიდის საქმეზე დაკავებული დეკანოზი საპატიმროს. 

გიორგი მამალაძემ ევროსასამართლოს კონვენციის მე-6 მუხლის დარღვევის გამო მიმართვა. სტრასბურგის სასამართლო ამ საქმეს სამი წელი განიხილავდა. 

გადაწყვეტილება, რომელიც ევროსასამართლომ 3 ნოემბერს უნდა გამოაცხადოს, 3 თვის განმავლობაში სტრასბურგში დარჩება, კიდევ ერთხელ გადაიხედება და საბოლოო გადაწყვეტილებას მინისტრთა კომიტეტი მიიღებს. 

"სასამართლო უპასუხებს ჩვენს პრეტენზიებს სამი ძირითადი მიმართულებით. მთელი პროცედურის განმავლობაში გიორგი მამალაძე აცხადებდა, რომ მის ბარგში აღმოჩენილი ციანიდი მას არ ეკუთვნოდა და სამივე ინსტანცია ამ საკითხს ეხებოდა. ერთ-ერთი მნიშვნელოვანი და მთავარი საკითხი სწორედ ეს იყო. ამდენად, ეს არის პირველი საკითხი, რომელზეც არის საჩივარში მსჯელობა. მეორე, ეს არის დახურული სხდომების ჩატარება, იმიტომ, რომ მთელი პროცედურა მიმდინარეობდა საზოგადოებრივი კონტროლის მიღმა. ამდენად, საკითხი უკავშირდება იმას, დახურულად ჩატარება სხდომების იყო თუ არა მკაცრად აუცილებელი მოცემულ საქმეში იმ მითითებული პირობების გამო, რომლებიც ჰქონდა საუბარი საქართველოს ხელისუფლებას კომუნიკაციის დროს ევროპულ სასამართლოსთან. მესამე ძირითადი შეკითხვა მდგომარეობს იმაში და პრეტენზია ჩვენი საჩივარში, მომჩივნის უდანაშაულობის პრეზუმციას ეხება. კერძოდ, იმ განცხადებების გამო, რომელიც გაკეთდა დაპატიმრების შემდეგ ოფიციალური განცხადებების გამო სხვადასხვა თანამდებობის პირების მიერ", - განაცხადა დეკანოზის ადვოკატმა, დავით ჯანდიერმა. 

შეგახსენებთ, რომ ე.წ. „ციანიდის“ საქმეზე ბრალდებულ დეკანოზ გიორგი მამალაძეს თბილისის საქალაქო სასამართლომ თავისუფლების 9 წლით აღკვეთა მიუსაჯა. მას ბრალად ედება  "მაღალი იერარქიის სასულიერო პირის სიცოცხლის ხელყოფის მცდელობა".

ავტორი: ექსპრესნიუსი,

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა