საქართველოს გენერალური პროკურორის პირველი მოადგილე, ბაკურ აბულაძე ეუთო-ს ეკონომიკური და გარემოსდაცვითი საქმიანობის კოორდინატორის ოფისის (OCEEA) და გაეროს ნარკოტიკებთან და დანაშაულთან ბრძოლის ოფისის (UNODC) ორგანიზებით, ვირტუალური აქტივების და კრიპტოვალუტის მეშვეობით ფულის გათეთრებასთან ბრძოლის შესახებ გამართულ ღონისძიებას  დაესწრო. აღნიშნულ ინფორმაციას გენერალური პროკურატურა ავრცელებს.

გენერალური პროკურორის პირველმა მოადგილემ, შეხვედრაზე, ვირტუალური აქტივებით ფულის გათეთრების რისკების იდენტიფიცირების, შეფასების და შემცირების თვალსაზრისით საქართველოს პროკურატურის მიერ განხორციელებული აქტივობების თაობაზე ისაუბრა.

ბაკურ აბულაძის განცხადებით, ფულის გათეთრების წინააღმდეგ ბრძოლის მიმართულებით, საქართველოს პროკურატურამ მნიშვნელოვანი ღონისძიებები გაატარა, მათ შორის, შეიქმნა სპეციალური დანაყოფი - კიბერდანაშაულის წინააღმდეგ ბრძოლის სამმართველო, შემუშავდა და გამოიცა ვირტუალური აქტივების მოძიება-ამოღების და პარალელური ფინანსური გამოძიების შესახებ ორი სახელმძღვანელო მითითება. ასევე, ვირტუალური აქტივების სერვისების მიმწოდებელ საერთაშორისო კომპანიებთან პირდაპირი თანამშრომლობის, საგამოძიებო პრაქტიკისა და პროკურატურის თანამშრომლების სწავლების საკითხებზე არაერთი აქტივობა გაიმართა.

შეხვედრაზე დაიგეგმა დანაშაულთან დაკავშირებული ვირტუალური აქტივების მოძიებაზე და ამოღებაზე მომუშავე გამომძიებლების და პროკურორების შესაძლებლობების გაძლიერებისკენ მიმართული ღონისძიებები.    

გენერალური პროკურორის პირველმა მოადგილემ, აღნიშნულ პროექტთან აქტიური თანამშრომლობის მზაობა გამოხატა. მან მადლობა გადაუხადა პროექტის ავტორებს და იმედი გამოთქვა, რომ თანამშრომლობა ხელშესახები შედეგების მომტანი იქნება ვირტუალური აქტივების მეშვეობით ფულის გათეთრების წინააღმდეგ ბრძოლის ეფექტიანობის გაზრდის თვალსაზრისით.

ასევე, შეხვედრის მონაწილეებმა მრგვალი მაგიდის ფორმატში, განიხილეს ვირტუალური აქტივების კრიმინალური მიზნებისთვის გამოყენებისა და საერთაშორისო სანქციების რეჟიმების გვერდის ავლასთან დაკავშირებული რისკები. საუბარი შეეხო პროექტის ბენეფიციარების საჭიროებებსაც. გარდა ამისა, განიხილეს ვირტუალური აქტივების მეშვეობით ფულის გათეთრების წინააღმდეგ ბრძოლასთან დაკავშირებით საერთაშორისო და უწყებათაშორისი თანამშრომლობის განვითარების პერსპექტივები.

ქალაქ ვენაში გამართულ ღონისძიებას სხვადასხვა ქვეყნების სამართალდამცავი და ფინანსური ინსტიტუტების წარმომადგენლები ესწრებოდნენ.

ავტორი: NS (სტატია დაფინანსებულია),

სოციალური ქსელები

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?