რუსმა ჯარისკაცებმა ზაპოროჟიეს ატომური ელექტროსადგურის 3 თანამშრომელი მოკლეს, ხოლო 26 დაკავებული ყავთ, - ამის შესახებ უკრაინის უმაღლესი რადას ადამიანის უფლებათა კომისარმა დიმიტრი ლუბინეცმა განაცხადა. 

მისი თქმით, დაკავების მიზეზი გახდა უკრაინული მხარის მხრიდან ინფორმაციის გავრცელება  ზაპოროჟიეს ატომური ელექტროსადგურის ტერიტორიაზე რუსული სამხედრო ტექნიკის გადაადგილების შესახებ. 

„დაკავებულებს ბრალად ედებათ ინფორმაციის გავრცელება  ზაპოროჟიეს ატომური ელექტროსადგურის ტერიტორიაზე რუსული სამხედრო ტექნიკის გადაადგილებისა და ადგილმდებარეობის შესახებ ინფორმაციის გადაცემაში“, - განაცხადა ლუბინეცმა.

ლუბინეცმა აღნიშნა, რომ ზაპოროჟიე არის უკრაინის ატომური ელექტროსადგური, სადაც მუშაობენ უკრაინელი ატომური მეცნიერები, რომლებსაც აქვთ უფლება დაუკავშირდნენ ყველას, ვისაც შეუძლია უზრუნველყოს ატომური ელექტროსადგურის მთლიანობის შენარჩუნება.

ოფიციალურმა პირმა თქვა, რომ პერსონალზე რუსების მიერ განხორციელებული უზარმაზარი ზეწოლის მიუხედავად, ზაპოროჟიეს ატომური ელექტროსადგურის თანამშრომლები აგრძელებენ მუშაობას, რათა თავიდან აიცილონ ეკოლოგიური კატასტროფა, რომელიც შეიძლება გავლენა იქონიოს არა მხოლოდ უკრაინაზე, არამედ ევროპასა და შავი ზღვის რეგიონის ქვეყნებზე.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა