უკრაინის შეიარაღებულ ძალებში არ გამორიცხავენ მტრის შეიარაღებულ პროვოკაციას უკრაინის დამოუკიდებლობის დღისთვის, თუმცა აცხადებენ, რომ მზად არიან ნებისმიერი სცენარისთვის, თუნდაც კრიზისული.

სარდლობის სპიკერის, იური იგნატის განცხადებით, განიხილება სხვადასხვა სცენარის განვითარება.

„ჩვენი სამხედროები მზად არიან ნებისმიერი სცენარისთვის. განიხილება სხვადასხვა ვარიანტები, კრიზისული სიტუაციები. საჰაერო ძალების ჯარისკაცები დაიცავენ ჩვენს ცას. პირველ რიგში, თქვენ უნდა იცოდეთ რისთვის ემზადება მტერი, მიმდინარეობს მუდმივი დაზვერვა. თქვენ უნდა იცოდეთ რა ძალები და საშუალებები აქვს კონცენტრირებული მტერმა ჩვენს საზღვრებთან მისადგომებზე“,- განაცხადა იგნატმა.

მისივე თქმით, უკრაინული მხარე ითვალისწინებს და აკონტროლებს რუსული თვითმფრინავების და ვერტმფრენების არსებობას ბელორუსის, რუსეთისა და ყირიმის აეროდრომებზე, ასევე სარაკეტო იარაღს, რომელსს კონცენტრირებაც უკრაინის საზღვრების ირგვლივ ხდება.

„ჩვენ გავაგრძელებთ მონიტორინგს და ვეცდებით ადეკვატურად ვუპასუხოთ ნებისმიერ საფრთხეს, რომელიც მტერმა, სავარაუდოდ, ჩვენს მთავარ დღესასწაულზე მოამზადა“,- დასძინაიური იგნატმა.

გარდა ამისა, კიევის სამთავრობო კვარტალში მდებარე დაწესებულებების თანამშრომლებს რეკომენდირებული აქვთ დისტანციურად მუშაობა მომდევნო კვირაში. 

ასეთი ზომები დაკავშირებულია დამოუკიდებლობის დღეს რუსეთის მხრიდან თავდასხმების გაზრდილ რისკთან.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა