ბოლო 24 საათის განმავლობაში რუსმა ოკუპანტებმა დონეცკის რეგიონში 7 მშვიდობიანი მოქალაქე მოკლეს,- ამის შესახებ დონეცკის რეგიონალური სამხედრო ადმინისტრაციის ხელმძღვანელმა, პაველ კირილენკომ განაცხადა.

მისი თქმით, მარიუპოლსა და ვოლნოვახაში მსხვერპლის ზუსტი რაოდენობის დადგენა ჯერ კიდევ შეუძლებელია.

„რუსეთი კლავს მშვიდობიან მოსახლეობას! 19 აგვისტოდან რუსებმა დონბასში 7 მშვიდობიანი მოქალაქე მოკლეს: ოთხი ბახმუტში, ერთი დრუჟბაში, ერთი კონსტანტინოვკაში და ერთი სევერნიში. კიდევ 13 ადამიანი დაშავდა",- წერს კირილენკო.

შეგახსენებთ, რომ რუსეთმა დონბასში რამდენიმე მიმართულებით, მასიური შეტევა დაიწყო. ბრძოლები გრძელდება. კერძოდ, მტრის თვითმფრინავები მოქმედებდნენ მარინკას მახლობლად, ამასთან, ოკუპანტები ავდიივკას მიმართულებით ტანკების გამოყენებას ჯერ კოდევ აგრძელებენ.

გარდა ამისა, როგორც უკრაინის პრეზიდენტმა, ვოლოდიმირ ზელენსკიმ აღნიშნა, რომ დონბასში სასტიკი ბრძოლები გრძელდება. კერძოდ, უცვლელია ამ მიმართულებით ფრონტის ყველაზე ცხელი წერტილი - ავდეევკა, მარინკა, პესკი და ბახმუტი.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები