რუსეთთან მოლაპარაკებები „რუსული რულეტკის“ თამაშია ყველასთვის ფატალური დასასრულით,- ამის შესახებ უკრაინის პრეზიდენტის ადმინისტრაციის მრჩეველმა, მიხაილო პოდოლიაკმა განაცხადა.

მისი თქმით,  ზელენსკიმ უკვე გააჟღერა მოლაპარაკებების მთავარი პირობა, რაც უკრაინის მთელი ტერიტორიიდან საოკუპაციო ჯარების გაყვანას გულისხმობს.

„რუსეთთან მოლაპარაკებები „რუსული რულეტკის“ თამაშია ყველასთვის ფატალური დასასრულით. ომის გაგრძელება, ტერორითა და კრიმინალური შანტაჟით მოლაპარაკებების პროცესის წინაპირობა უკრაინის პრეზიდენტმა, ვოლოდიმირ ზელენსკიმ უკვე გააჟღერა: მთავარი პირობა- უკრაინის მთელი ტერიტორიიდან საოკუპაციო ჯარების გაყვანა",- წერს პოდოლიაკი.

შეგახსენებთ, რომ 24 თებერვლიდან რუსეთი აწარმოებს „სპეციალურ სამხედრო ოპერაციას“ უკრაინის დემილიტარიზაციისა და დენაციფიკაციის მიზნით. ვლადიმერ პუტინმა მის მიზანს უწოდა "ადამიანების დაცვა, რომლებიც რვა წლის განმავლობაში ექვემდებარებოდნენ ბულინგსა და გენოციდს კიევის რეჟიმის მიერ".

რუსეთის მტკიცებით, შეიარაღებული ძალები მხოლოდ სამხედრო ინფრასტრუქტურას და უკრაინულ ჯარებს ურტყამენ. ამასთან თავდაცვის დეპარტამენტში ოპერაციის მთავარ მიზანს დონბასის გათავისუფლება უწოდებენ.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს