ყველას ვთხოვ, მოიმარაგონ თბილი სახლის ტანსაცმელი, თბილი საბნები, რადგან არ გამოვრიცხავთ, რომ სახლებში ტემპერატურა ნორმაზე რამდენიმე გრადუსით დაბალი იყოს. - ამის შესახებ კიევის მერმა, ვიტალი კლიჩკომ მოახლოებულ ზამთართან დაკავშირებით განაცხადა.

მისივე თქმით, იყიდეს გენერატორები, საწვავი ამ გენერატორებისთვის. უპირველეს ყოვლისა, ისინი გადაეცემა საავადმყოფოებს, საბავშვო ბაღებსა და სკოლებს.

"ჩვენ ვცხოვრობთ მძიმე რეალობაში და გვიწევს სხვადასხვა სცენარის გამოთვლა. გაზი ხელისუფლების პასუხისმგებლობაა, დაგვარწმუნეს, რომ გაზი იქნება მოსახლეობისთვის და არ გაძვირდება. ეს არის მოლოდინი, მაგრამ არ გამოვრიცხავთ, რომ იყოს ტერორისტული აქტები, თავდასხმები ბენზინგასამართ სადგურებზე. ჩვენ ასევე ვითვალისწინებთ ამ სცენარს. ჩვენ ვიყიდეთ გენერატორები, საწვავი ამ გენერატორებისთვის. უპირველეს ყოვლისა, ისინი გადაეცემა საავადმყოფოებს, საბავშვო ბაღებსა და სკოლებს. ჩვენ გავაკეთებთ ყველაფერს, რაც შესაძლებელია და შეუძლებელსაც, რაც ჩვენზეა დამოკიდებული, რომ სახლებში იყო სითბო, მაგრამ ყველას ვთხოვ, მოიმარაგონ თბილი სახლის ტანსაცმელი, თბილი საბნები, რადგან არ გამოვრიცხავთ, რომ სახლებში ტემპერატურა ნორმაზე რამდენიმე გრადუსით დაბალი იყოს. ნორმა არის 21 გრადუსი, მაგრამ ეს შეიძლება იყოს 19 ან 18". - ნათქვამია განცხადებაში.

 შეგახსენებთ, რომ ხანგრძლივი სამხედრო ძალის თავმოყრის შემდეგ, რუსეთის მიერ თვითგამოცხადებული დონეცკის სახალხო რესპუბლიკისა და ლუჰანსკის სახალხო რესპუბლიკის აღიარების შემდეგ, რუსეთმა დაარღვია საერთაშორისოდ აღიარებული უკრაინის სუვერენიტეტი და ომი გამოაცხადა. ომს დაწყებიდან დღევანდელ დღემდე არაერთი მოქალაქის სიცოცხლე შეეწირა.

ავტორი: ექსპრესნიუსი,

სოციალური ქსელები

ზელენსკიმ გაეროს გენერალური ასამბლეის ტრიბუნიდან რუსეთს ენერგეტიკულ სექტორზე საპასუხო დარტყმებით დაემუქრა

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ