უკრაინა დამატებით ჰუმანიტარულ დახმარებას მიიღებს იაპონიიდან, საუბარია 100 მილიონ დოლარზე. ამის შესახებ Japan Today იტყობინება

იაპონიის პრემიერ-მინისტრმა ფუმიო კიშიდამ აღნიშნა, რომ მისი ქვეყანა უკრაინას ყველა შესაძლო დახმარებას გაუწევს. მისი თქმით, 100 მილიონი დოლარი სამედიცინო აღჭურვილობის შესაძენად და იძულებით გადაადგილებულ პირთა დროებითი საცხოვრებლის ასაშენებლად მოხმარდება.

გარდა ამისა, კიშიდამ განაცხადა, რომ იაპონია დაეხმარება უკრაინული მარცვლეულის შენახვის შესაძლებლობების გაფართოებაში. კერძოდ, დასავლეთ უკრაინასა და მეზობელ ქვეყნებში დროებითი მარცვლები აშენდება.

ცნობისთვის, უკრაინის აგრარული პოლიტიკისა და სურსათის სამინისტრომ განაცხადა, რომ  რუსეთმა უკვე გაიტანა მინიმუმ 400 000 ტონა მარცვლეული ოკუპირებული უკრაინის ტერიტორიებიდან.

თურქეთმა შესთავაზა დახმარება შავი ზღვის განბლოკვაში და მარცვლეულის ნაწილის გატანა, რომელიც განკუთვნილია ექსპორტისთვის, მაგრამ შავ ზღვაში დერეფნის ორგანიზებას და გაშვებას  შესაძლოა სამი-ოთხი კვირა დასჭირდეს. გარდა ამისა, სტამბოლი მზადაა გამართოს თურქეთი-უკრაინა-რუსეთი-გაერო-ს შეხვედრა მარცვლეულის ტრანსპორტირების მეთოდის განსახილველად.

ავტორი: ექსპრესნიუსი,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება