უკრაინის თავდაცვის მინისტრმა ოლექსი რეზნიკოვმა განაცხადა, რომ ათასობით უკრაინელი მებრძოლი  დაეუფლა დასავლელი პარტნიორების მიერ მოწოდებული იარაღის გამოყენებას და მათი წვრთნა ჯერ კიდევ გრძელდება. მისი თქმით, უკრაინელი მებრძოლები სწრაფად სწავლობენ და მათ ხელში  ნებისმიერი იარაღი კიდევ უფრო ეფექტური ხდება.

მინისტრმა განაცხადა, რომ უკრაინის არმია აღჭურვილია მძლავრი თანამედროვე სამხედრო ტექნიკითა და იარაღით.უკრაინელი მებრძოლები წვრთნას დიდ ბრიტანეთში, იტალიაში, ლიტვაში, პოლონეთში, სლოვაკეთში საფრანგეთსა და გერმანიაში გადიან.

 "ჩვენ ვსწავლობთ. სწრაფად ვსწავლობთ. ისევე სწრაფად დავეუფლებით ავიაციას და სხვა ტიპის მაღალტექნოლოგიურ იარაღს. მათ, ვინც ამაში ეჭვი ეპარებოდა, უკვე შეიცვალა აზრი.ნებისმიერი იარაღი კიდევ უფრო ეფექტური ხდება ჩვენი ჯარისკაცების ხელში. ჩვენ განდევნით ოკუპანტ ტერორისტებს ჩვენი მიწიდან. გამარჯვება ჩვენს მხარეზე იქნება,- განაცხადა რეზბიკოვმა.

დიდი ბრიტანეთის მხარდაჭერით უკრაინის შეიარაღებული ძალების სამხედრო მოსამსახურეებისთვის საბაზისო ზოგადი სამხედრო მომზადების კურსი დაიწყო.უკრაინელი სამხედროები საზღვარგარეთ იძენენ საბაზისო უნარებს M777 და AHS Krab 155 მმ კალიბრის საარტილერიო სისტემების და M142 HIMARS, M270 და MARS II მრავალჯერადი სარაკეტო გამშვები პუნქტების ოპერირებაში.

რეზნიკოვმა დასძინა, რომ ათასობით სამხედრო მოსამსახურე აპრილიდან უცხოეთში გაწვრთნილი იყო უცხოური წარმოების იარაღისა და სამხედრო აღჭურვილობის გამოსაყენებლად.

ავტორი: ექსპრესნიუსი,

სოციალური ქსელები

რუსი ჟურნალისტი და ბლოგერი იური დუდი ტერორისტებისა და ექსტრემისტების სიაში დაამატეს

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები