უკრაინის დაზვერვა კრემლის წყაროებზე დაყრდნობით,  ომის დასრულების ორ სავარაუდო თარიღს ასახელებს.საუბარია რუსეთის ფედერაციაში ეროვნულ არჩევნებზე და საბჭოთა კავშირის შექმნის 100 წლის იუბილეზე , განაცხადა უკრაინის მთავარი დაზვერვის სამმართველოს წარმომადგენელმა ვადიმ სკიბიცკიმ RBC-Ukraine- თან ინტერვიუში .

მისივე თქმით, კრემლი აქტიურად განიხილავს შემდგომ მოქმედებებს უკრაინის დროებით ოკუპირებულ ტერიტორიებთან დაკავშირებით. დაზვერვა მიიჩნევს, რომ კრემლს ომის დასრულება 11 სექტემბრამდე სურს, როდესაც ქვეყანაში კენჭისყრა გაიმართება. კერძოდ, რუსეთის ფედერაციის ხელმძღვანელობა უკვე საუბრობს მტრის მიერ დროებით კონტროლირებად უკრაინის აღმოსავლეთ და სამხრეთ რეგიონებში ფსევდორეფერენდუმების გამართვაზე.

"რუსეთის ფედერაციის პოლიტტექნოლოგები ახლა ამ ყველაფერზე მუშაობენ, ისინი აქტიურად სწავლობენ ჩვენს ტერიტორიებს, სოციალურ მდგომარეობას და ზოგადად შესაძლებელია თუარა  ინტეგრირება  ეს დილემური საკითხია," - აცხადებს სკიბიცკი

რუსეთის ფედერაციისთვის კიდევ ერთი მნიშვნელოვანი თარიღია სსრკ-ს შექმნის 100 წლისთავი - 30 დეკემბერი.

”მაგრამ ყველა შემდგომი განვითარება დამოკიდებული იქნება იმაზე, თუ რამდენად წარმატებული იქნება ისინი და რამდენად არ დავუშვებთ მათი გეგმების რეალიზებას”, - ასკვნის სკიბიტსკი.

 შეგახსენებთ, რომ თავდაცვის სამინისტროს დაზვერვის მთავარი სამმართველოს ხელმძღვანელმა კირილ ბუდანოვმა განაცხადა, რომ უკრაინის ტერიტორიაზე საომარი მოქმედებები წლის ბოლომდე მინიმუმამდე შემცირდება, გარდამტეხი კი აგვისტოში იქნება.

ავტორი: ექსპრესნიუსი,

სოციალური ქსელები

RBC-Ukraine: აზერბაიჯანმა და თურქეთმა მხარი დაუჭირეს ევროკავშირის სანქციების მოხსნას რუსი მილიარდერის, უსმანოვის წინააღმდეგ

პენიტენციური სამსახურის გენერალური დირექტორი ოჯახის განცხადებას, რომ მსჯავრდებულ გიორგი დავითაძეზე სისტემატური ძალადობა ხორციელდება, სიცრუეს უწოდებ

რუბიომ და ლავროვმა თითქმის ერთი საათის განმავლობაში განიხილეს უკრაინა და აშშ-რუსეთის ურთიერთობები

მეორადი ჩარიცხვების მსურველთა 27% სტუდენტი მაინც ვერ გახდა