2022-03-17 12:55:21, 928 ნახვა
მსოფლიო
უკრაინელი დეპუტატი - მარიუპოლის თეატრის თავშესაფარმა საჰაერო დარტყმას გაუძლო, ხალხი გადარჩა
მარიუპოლის დრამატული თეატრის თავშესაფარმა საჰაერო დარტყმას გაუძლო, ხალხი გადარჩა, - ამის შესახებ უკრაინის სახალხო დეპუტატმა, სერხი ტარუტამ განაცხადა.
„გაურკვევლობის საშინელი ღამის შემდეგ, ომის 22-ე დღეს ძლივს კარგი ამბებია მარიუპოლიდან! თეატრის თავშესაფარმა საჰაერო დარტყმას გაუძლო, დაიწყო ნანგრევების დემონტაჟი. ხალხი ცოცხალი გამოდის!", - განაცხადა მან.
შეგახსენებთ, რომ გუშინ, 16 მარტს რუსულმა თვითმფრინავმა ბომბი მარიუპლოის დრამატული თეატრის შენობაზე ჩამოაგდო, სადაც ასობით მშვიდობიანი მოქალაქე იმალებოდა. თავშესაფარში შესასვლელი ნამსხვრევებით იყო გადაკეტილი, მსხვერპლის შესახებ ინფორმაცია არ ვრცელდებოდა.
ავტორი: ექსპრესნიუსი,
epn.ge (@expressnews.ge)
