შეერთებული შტატების პრეზიდენტმა, ჯო ბაიდენმა გამოაცხადა, რომ აშშ უკრაინას უსაფრთხოების მიზნით, 800 მილიონი დოლარით დაეხმარება. ამის შესახებ ბაიდენმა თეთრ სახლში ვიდეომიმართვისას განაცხადა.

უკრაინას თავდაცვის აღჭურვილობის შესაძენად 800 მილიონი დოლარის გამოყოფისთვის, აშშ-ის პრეზიდენტმა პირდაპირ ეთერში მოაწერა ხელი შესაბამის დოკუმენტს. მთლიანობაში, გასულ კვირაში აშშ-ის მიერ უკრაინისათვის გაწეულმა დახმარებამ 1 მილიარდ დოლარს მიაღწია.

ჯო ბაიდენმა აღნიშნა, რომ შაბათს მისმა ადმინისტრაციამ კიდევ 200 მილიონი დოლარის ნებართვაც გასცა.

„ვიყენებ ჩემს საპრეზიდენტო უფლებამოსილებას უსაფრთხოების დამატებითი დახმარების გასააქტიურებლად, რათა გავაგრძელო დახმარება უკრაინაში რუსეთის თავდასხმის წინააღმდეგ ბრძოლაში. ეს არის დამატებითი 800 მილიონი დოლარის დახმარება. ამით, მხოლოდ ამ კვირაში, აშშ-ის უსაფრთხოების მიერ უკრაინისათვის გაწეული ახალი დახმარება 1 მილიარდ დოლარს მიაღწევს", - თქვა ჯო ბაიდენმა.

ამასთან ერთად, შეერთებული შტატების პრეზიდენტმა კონგრესს თანხების გამოყოფისათვის მადლობა გადაუხადა.

„აღნისნული ახალი პაკეტი, თავისთავად, უპრეცედენტო დახმარებას გაუწევს უკრაინას. იგი მოიცავს 800 საზენიტო სისტემას, რათა უკრაინის არმიამ გააგრძელოს თვითმფრინავების და ვერტმფრენების შეჩერება, რომლებიც თავს ესხმიან მის ხალხს და დაიცვას უკრაინის საჰაერო სივრცე“, - დასძინა აშშ-ის მთავარსარდალმა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა