უკრაინის პრეზიდენტმა, ვოლოდიმირ ზელენსკიმ ხელი მოაწერა ბრძანებას, რომლის მიხედვითაც, რუსეთთან ნებისმიერი სახის თანამშრომლობა, რომელიც უკრაინის წინააღმდეგ იქნება მიმართული, 15 წლით თავისუფლების აღკვეთით დაისჯება.

როგორც უკრაინული მედია წერს, აღნიშნულის შესახებ უკრაინის უმაღლესი რადის ვიცე-სპიკერმა, ალექსანდრ კორნენკომ ვიდეომიმართვისას განაცხადა.

„აღნიშნულ კანონს პრეზიდენტმა ხელი უკვე მოაწერა, ჩემი ინფორმაციით, ის მალე გამოქვეყნდება", - განაცხადა ალექსანდრ კორნენკომ.

როგორც ცნობილია, კანონით პასუხისმგებლობა დაეკისრებათ რუსეთთან, როგორც აგრესორ სახელმწიფოსთან სამხედრო, პოლიტიკურ, საინფორმაციო სფეროში თანამშრომლობისთვის. ასევე, სასჯელი ითვალისწინებს სახელმწიფო ან ადგილობრივი თვითმმართველობის ფუნქციების შესრულებასთან დაკავშირებულ თანამდებობებზე დაშვების შეზღუდვას.

აღნიშნული კანონი ასევე ითვალისწინებს პოლიტიკური პარტიების ლიკვიდაციის საშუალებას, რომელთა უფლებამოსილი პირები მსჯავრდებულნი არიან კოლაბორაციონიზმისთვის. აღნიშნული შეეხება იურიდიულ პირებსაც. 

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა