2022-03-12 11:52:44, 1120 ნახვა
მსოფლიო
დიდი ბრიტანეთის თავდაცვა - რუსული ჯარების უმეტესობა კიევის ცენტრიდან 25 კილომეტრშია განლაგებული
დიდი ბრიტანეთის თავდაცვის სამინისტროს ცნობით, რუსული ძალების დიდი ნაწილი ამჟამად ქალაქ კიევის ცენტრიდან 25 კილომეტრშია განლაგებული.
სადაზვერვო სამსახურის განცხადების მიხედვით, სავარაუდოდ, რუსები უკრაინის დედაქალაქის ალყისთვის ემზადებიან.
„ეს ასევე შეიძლება იყოს რუსეთის მცდელობა, შეამციროს მისი დაუცველობა უკრაინული კონტრშეტევების მიმართ, რამაც მნიშვნელოვანი ზიანი მიაყენა რუსეთის ძალებს”, - აცხადებენ თავდაცვის სამინისტროში.
შეგახსენებთ, რომ გუშინ დიდი ბრიტანეთის თავდაცვის სამინისტროში განაცხადეს, რომ რუსმა ოკუპანტებმა შესაძლოა მოამზადონ ახალი შეტევითი ოპერაცია უკრაინის დედაქალაქის, კიევის წინააღმდეგ, რომელიც უახლოეს დღეებში განხორციელდება.
ავტორი: ექსპრესნიუსი,
epn.ge (@expressnews.ge)
