„ევროკავშირთან, ნატო-ს სხვა მოკავშირეებთან და G7-თან ერთად ერთობლივად ვაპირებთ, რომ რამდენიმე ახალი ნაბიჯი გამოვაცხადოთ, რათა პუტინზე მეტი ზეწოლა განვახორციელოთ“, - ამის შესახებ აშშ-ის პრეზიდენტმა, ჯო ბაიდენმა განაცხადა.

 „მე ვუთხარი მას, როგორც ყოველთვის, როდესაც ჩვენ ვსაუბრობდით, რომ შეერთებული შტატები დგას უკრაინის ხალხის გვერდით“, - თქვა მან თეთრ სახლში. .

„რადგან პუტინი აგრძელებს თავის დაუნდობელ თავდასხმას, შეერთებული შტატები და ჩვენი მოკავშირეები, პარტნიორები აგრძელებენ მუშაობას პუტინზე ეკონომიკური ზეწოლის გასაძლიერებლად და რუსეთის გლობალურ ასპარეზზე იზოლაციისთვის. მოგვიანებით, ნატო-ს სხვა მოკავშირეებთან და G7-თან ერთად, კანადა, საფრანგეთი, გერმანია, იტალია, იაპონია, გაერთიანებული სამეფო, ისევე როგორც ევროკავშირი, ჩვენ ერთობლივად ვაპირებთ გამოვაცხადოთ რამდენიმე ახალი ნაბიჯი, რათა ზეწოლა განვახორციელოთ პუტინზე და კიდევ უფრო მეტი პასუხისმგებლობა დავაკისროთ უკრაინის წინააღმდეგ აგრესიას“, - აღნიშნა ჯო ბაიდენმა.

აშშ-ის პრეზიდენტის განცხადებით, დღეს, იგი უკრაინის პრეზიდენტს, ვოლოდიმირ ზელენსკის კიდევ ერთხელ ელაპარაკა და დაარწმუნა, რომ „როგორც ყოველთვის, შეერთებული შტატები უკრაინის ხალხის გვერდით დგას“.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა