დიდი ბრიტანეთის საჰაერო სივრცეში რუსეთის მოქალაქეების საკუთრებაში ან მათ მიერ დაქირავებული თვითმფრინავებით ფრენა სისხლის სამართლის დანაშაული ხდება. ამის შესახებ  ინფორმაციას BBC ავრცელებს.

გამოცემის ცნობით, რუსეთის კუთვნილ თვითმფრინავებს უკვე აეკრძლათ დიდ ბრიტანეთში ფრენა, თუმცა ახალი სანქციების სამიზნე რუსეთში რეგისტრირებული კერძო თვითმფრინავებია, რომლებსაც მდიდარი რუსები ქირაობენ.

დიდი ბრიტანეთის მთავრობაში აცხადებენ, რომ აღნიშნული სანქცია შეეხებათ კრემლთან დაახლოებულ პირებს.

გარდა ამისა, დიდი ბრიტანეთის მთავრობამ გამოაცხადა ახალი სავაჭრო სანქციები, რომლებიც ხელს შეუშლის გაერთიანებული სამეფოს ავიაციის ან კოსმოსური ტექნოლოგიების ექსპორტს რუსეთში, მათ შორის, ქეყანასთან დაკავშირებულ სერვისებს, როგორიცაა დაზღვევა.

ახალი სანქციების გამოცხადებისას დიდი ბრიტანეთის საგარეო საქმეთა მინისტრმა, ლიზ ტრასმა განაცხადა, რომ ცვლილებები შემდგომ „ეკონომიკურ ზიანს მიაყენებს რუსეთს და კრემლთან დაახლოებულ ადამიანებს“. მანვე დასძინა, რომ ბრიტანეთის მთავრობა გააგრძელებს უკრაინის მხარდაჭერას და „იმუშავებს რუსეთის იზოლაციაზე საერთაშორისო ასპარეზზე“.

ავტორი: ექსპრესნიუსი,

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა