2022-03-09 11:32:53, 613 ნახვა
მსოფლიო
CNN - რუსეთი სწრაფი ტემპით კარგავს სამხედრო ტექნიკას, აღჭურვილობის 10%-მდე უკვე განადგურებულია
რუსეთმა უკვე დაკარგა 8-დან 10%-მდე სამხედრო ტექნიკა, რომელიც უკრაინაში შესაჭრელად ემზადებოდა, - ამის შესახებ ინფორმაციას CNN ავრცელებს.
როგორც ამერიკის შეერთებულ შტატებში აცხადებენ, აღნიშნული ტექნიკა ახლა განადგურებული ან დაზიანებულია.
CNN წერს, რომ საუბარია ტანკებზე, თვითმფრინავებზე, საარტილერიო სისტემებზე და სხვა სამხედრო აღჭურვილობებზე.
ცნობისთვის, უკრაინის გენშტაბის ბოლო მონაცემებით, რუსული მხარის დანაკარგი 12 000-ს აღემატება. საბრძოლო მოქმედებების განმავლობაში უკრაინის შეიარაღებულმა ძალებმა რუსეთის 317 ტანკი, 1 070 ჯავშანტექნიკა, 49 თვითმფრინავი, 81 ვერტმფრენი გაანადგურეს.
ავტორი: ექსპრესნიუსი,
epn.ge (@expressnews.ge)
