რუსეთ-უკრაინის მოლაპარაკებების დეტალები ცნობილია - რას ითხოვს რუსეთი უკრაინისგან

2022-03-01 17:02:37, 1012 ნახვა

მსოფლიო

28 თებერვალს უკრაინისა და რუსეთის ფედერაციის დელეგაციებს შორის უკრაინაში საომარი მოქმედებების შეწყვეტასთან დაკავშირებით მოლაპარაკებები გაიმართა. მომდევნო მოლაპარაკებები 2 მარტს არის დაგეგმილი.

„უნიანი“ წერს, რომ უკრაინელმა დიპლომატებმა „გლავკომს“ გაანდეს მოთხოვნები, რომლებიც მოლაპარაკებების პროცესში რუსეთმა წამოაყენა.

რას ითხოვს რუსეთი უკრაინასთან მოლაპარაკებებში:

რეფერენდუმით საპარლამენტო დონეზე დაფიქსირებული უკრაინის ნეიტრალური სტატუსი

უკრაინის მიერ დონეცკის და ლუგანსკის რეგიონების აღიარება ადმინისტრაციულ ფარგლებში

დენაციფიკაცია

ყირიმის დაბრუნების საკითხი, რომელსაც უკრაინა ითხოვს, სამომავლოდ გადაიდოს

უკრაინული მხარე რუსეთთან მოლაპარაკებებისას მოითხოვდა მხოლოდ ცეცხლის შეწყვეტას და უკრაინის ტერიტორიიდან აგრესორი ქვეყნის ჯარის გაყვანას.

დელეგაციაში შედიოდნენ ფრაქცია „ხალხის მსახურის“ თავმჯდომარე დავით არახამია, უკრაინის თავდაცვის მინისტრი ოლექსი რეზნიკოვი, პრეზიდენტის აპარატის უფროსის მრჩეველი მიხაილო პოდოლიაკი, უკრაინის დელეგაციის ხელმძღვანელის პირველი მოადგილე სამმხრივ საკონტაქტო ჯგუფში ანდრეი კოსტინი. დეპუტატი რუსტემ უმეროვი და უკრაინის საგარეო საქმეთა მინისტრის მოადგილე მიკოლა ტოჩიცკი.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,