კიევში ვითარება მშვიდია, დედაქალაქს მთლიანად უკრაინის არმია და თავდაცვა აკონტროლებს.

ამის შესახებ ნათქვამია კიევის საქალაქო ადმინისტრაციის ტელეგრამის არხზე გამოქვეყნებულ შეტყობინებაში.

"კიევში ვითარება მშვიდია, დედაქალაქს სრულად აკონტროლებს უკრაინის არმია და თავდაცვის ძალები. ღამით რამდენიმე შეტაკება მოხდა დივერსიულ ჯგუფებთან", - განაცხადა კიევის საქალაქო ადმინისტრაციის თავმჯდომარის პირველმა მოადგილემ, მიკოლა პოვოროზნიკმა.
შეგახსენებთ, რომ გუშინ ღამით რუსული რაკეტები მოხვდა რადონის ასოციაციის კიევის ფილიალის რადიოაქტიური ნარჩენების განთავსების ადგილზე.

სახელმწიფო ბირთვული მარეგულირებელი სააგენტოს წინასწარი შეფასებით, სანიტარიული დაცვის ზონის გარეთ მოსახლეობას საფრთხე არ ემუქრება. შემდგომში განყოფილებაში განაცხადეს, რომ 03:20 საათისთვის, პეჩერსკაიას მეტროსთან რადიაციული ფონი ნორმალური და უცვლელი იყო.

გამთენიისას უკრაინის პრეზიდენტის ადმინისტრაციის ხელმძღვანელის, მიხაილ პოდოლიაკის თქმით, რუსეთის უკრაინაში შეჭრიდან მესამე დღეს ბრძოლები ისევ იქ მიმდინარეობს, სადაც დაიწყო. 
პოლოდიაკი ამბობს, რომ უკრაინის შეიარაღებული ძალები მტერს აკავებენ და მათ წინასვლას ხელს უშლის. 

ავტორი: ექსპრესნიუსი,

სოციალური ქსელები

საქართველოს ეროვნულ ნაკრებს რამაზ სვანაძე უხელმძღვანელებს

ვილი სანიოლიმ ნაკრების მთავარი მწვრთნელის პოსტი დატოვა

ივანიშვილის რეჟიმმა ქვეყნიდან სომხეთში გააძევა ბელორუსელი ოპოზიციონერი რომელიც თავშესაფარს 5 წელი ელოდა

21 წლის ბიჭს სამტრედიასთან მატარებელი დაეჯახა, იგი ადგილზე გარდაიცვალა