2022-02-26 10:47:33, 610 ნახვა

---

ვლადიმერ ზელენსკი: დეზინფორმაციაა, თითქოს ევაკუციას ვაპირებ და ჯარს იარაღის დაყრისკენ მოვუწოდებ - მე აქ ვარ, იარაღს არ დავყრით

უკრაინის პრეზიდენტი ვოლოდიმირ ზელენსკი სოციალურ ქსელ „ფეისბუქში“ ვიდეომიმართვას ავრცელებს, სადაც მედიასაშუალებებით გავრცელებულ დეზინფორმაციას ეხმაურება.

როგორც ზელენსკი აღნიშნავს, ის ევაკუაციას არ გეგმავს, ჯარს იარაღის დაყრისკენ არ მოუწოდებს და ამ წუთებში, კიევში, პრეზიდენტის ოფისის წინ იმყოფება. 

„დილა მშვიდობის ყველა უკრაინელს! ბოლო დროს სოციალურ ქსელებში გაჩნდა ძალიან ბევრი ყალბი ინფორმაცია, თითქოს მოვუწოდებ ჩვენს ჯარს იარაღი დაყაროს და მიმდინარეობს ევაკუაცია. მაშ ასე, მე აქ ვარ, არანაირ იარაღს ჩვენ არ დავყრით. დავიცავთ ჩვენს სახელმწიფოს. იმიტომ, რომ ჩვენი იარაღი ჩვენი სიმართლეა და სიმართლე ისაა, რომ ეს ჩვენი მიწაა, ჩვენი ქვეყანა, ჩვენი შვილები. სულ ეს იყო, რისი თქმაც მინდოდა თქვენთვის. დიდება უკრაინას!", - აცხადებს ზელენსკი. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი