გერმანიისა და ჩეხეთის ხელისუფლებამ განაცხადეს, რომ ქვეყნების მოქალაქეები, სავარაუდოდ, კორონავირუსის ომიკრონის შტამით დაინფიცირდნენ. ამის შესახებ ჩეხეთის პრემიერ-მინისტრმა ანდრეი ბაბიშმა და ჰესეს მიწის სოციალური დაცვის მინისტრმა კაი კლოზემ სოციალურ ქსელში განაცხადეს.

ბაბიშმა თქვა, რომ ახალი შტამით ინფიცირება, სავარაუდოდ, გამოვლინდა ქალში, რომელიც ჩეხეთის რესპუბლიკაში დაბრუნებამდე იმყოფებოდა ნამიბიაში, სამხრეთ აფრიკასა და დუბაიში. პოლიტიკოსმა აღნიშნა, რომ ინფიცირებული აცრილი იყო და დაავადებას ადვილად იტანს.

კლოზმა დაწერა, რომ სამხრეთ აფრიკიდან დაბრუნებულმა მოგზაურმა წინა ღამით აღმოაჩინა ომიკრონის შტამისთვის დამახასიათებელი რამდენიმე სიმპტომი. ვირუსის სრული და თანმიმდევრული კვლევა ჯერ არ ჩატარებულა, თუმცა, მინისტრის თქმით, ექიმებს დიდი ვარაუდი აქვთ, რომ პაციენტი კოვიდ19-ის ახალი ვარიანტი დაავადდა.

ჰოლანდიის ხელისუფლებამ განაცხადა, რომ 61 მოგზაურს, რომლებიც სამხრეთ აფრიკიდან წინა დღით დაბრუნდნენ, კორონავირუსზე დადებითი ტესტირება დაუდგინდა, იტყობინება Reuters. ახლა იგეგმება შემოწმება, დაინფიცირდა თუ არა რომელიმე მათგანი ახალი შტამით.

B.1.1.529 კორონავირუსის შტამი პირველად დაფიქსირდა სამხრეთ აფრიკაში. ასევე, ინფიცირების შემთხვევები დაფიქსირდა ბოცსვანასა და ჰონგ კონგში. ჯანდაცვის მსოფლიო ორგანიზაციის წინა დღეს ვირუსის ახალი ვარიაცია „შეშფოთების გამომწვევ“ ჯგუფში შეიყვანა და მას სახელი „ომიკრონი“ უწოდა.

ავტორი: ექსპრესნიუსი,

სოციალური ქსელები

ჰუსიტებმა პირველად შეუტიეს საუდის არაბეთის დედაქალაქს

მოსკოვში „გაზპრომ ნეფტის“ ბენზინგასამართ სადგურებზე დრონით თავდასხმის შემდეგ, ბენზინი გაქრა

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო