ქედის მუნიციპალიტეტის მერიის ინფორმაციით, საქართველოში იაპონიის საელჩოს ადამიანის უსაფრთხოების საგრანტო პროგრამის (GGP) ფარგლებში, ქედის მუნიციპალიტეტის მიერ შეძენილ იქნა საზოგადოებრივი ელექტრო მიკროავტობუსი, რომელიც გააუმჯობესებს ადგილობრივი მოსახლეობის ინკლუზიურ მობილობას და მათ სოციალურ-ეკონომიკურ მდგომარეობას. 

ქედის მუნიციპალიტეტის მერის როლანდ ბერიძის განცხადებით,  საზოგადოებრივი ელექტრო მიკროავტობუსი დაბა ქედაში უახლოეს პერიოდში დაიწყებს მომსახურებას, ხოლო მიკროავტობუსის ოფიციალური გადაცემის ცერემონია, იაპონიის ელჩის მონაწილეობით მოგვიანებით გაიმართება.
ქედის მუნიციპალიტეტმა გრანტი 77 235 აშშ დოლარის ოდენობით მიიღო, რათა მუნიციპალიტეტმა განახორციელოს ინკლუზიური ელექტრო მობილობა, რაც გულისხმობს დაბის ტერიტორიაზე მოქალაქეთა უსაფრთხო და ხელმისაწვდომი დაბალემისიური გადაადგილების უზრუნველყოფას.
ელექტრო მიკროავტობუსი მინიმალური დანახარჯების გათვალისწინებით შეძლებს მგზავრთა უწყვეტ გადაადგილებას. 

ენერგოეფექტური მიკროავტობუსი სრულად არის ადაპტირებული შეზღუდული შესაძლებლობების მქონე პირთა საჭიროებებზე.

ავტორი: NS (სტატია დაფინანსებულია),

სოციალური ქსელები

ირაკლი კობახიძე ირაკლი ღარიბაშვილის გზავნილებს ქვეყნის იზოლაციაზე ნაცურს უწოდებს

სარჯველაძე: 35 000-მდე ოჯახს შეუწყდა საარსებო შემწეობა, უმრავლესობის მდგომარეობა გაუმჯობესდა

საია: ადვოკატს არ მისცეს დავითაძესთან შეხვედრისას გაკეთებული ჩანაწერების გატანის უფლება

მჟავანაძე ბრიტანეთის სანქციების შემდეგ - მთლად სახუმაროც არ არის ეს სანქცია, ვერცერთი ბანკი ვერ მომემსახურება