2021-10-27 14:45:35, 751 ნახვა
პოლიტიკა
უკრაინის ომბუდსმენი – თბილისის აეროპორტში 40 წუთი მკითხავდნენ, ეტყობა, რომ რაღაც არ არის წესრიგში
უკრაინის სახალხო დამცველი, ლიუდმილა დენისოვა, რომელიც საქართველოს მესამე პრეზიდენტთან, მიხეილ სააკაშვილთან შესახვედრად ჩამოვიდა, აცხადებს, რომ თბილისის საერთაშორისო აეროპორტში 40 წუთის განმავლობაში კითხავდნენ.
როგორც ომბუდსმენმა ექს–პრეზიდენტთან სასჯელაღსრულების დაწესებულებაში შეხევდრის შემდეგ, ჟურნალისტებს განუცხადა, ჩანს, რომ რაღაც არ არის წესრიგში.
"მინდა გუშინ თბილისის აეროპორტში მომხდარ ფაქტზეც ვისაუბრო. მესაზღვრეებმა გამაჩერეს და მთელი 40 წუთის განმავლობაში მკითხავდნენ - აინტერესებდათ საქართველოში რატომ ჩამოვედი ან რა საქმე მქონდა. საქართველოს ტერიტორიაზე შესვლის უფლება რამდენიმე ზარის შემდეგ მომცეს. ეტყობა რომ რაღაცა წესრიგში არ არის", – განაცხადა უკრაინის ომბუდსმენმა.
ავტორი: ექსპრესნიუსი,
epn.ge (@expressnews.ge)
