პოლიტიკური პარტიების მიმართ ზიზღის გამო, მზად არიან, შეწირონ ადამიანების ინტერესი, - ამის შესახებ პარტია „დროას“ ლიდერმა, ელენე ხოშტარიამ „ქართული ოცნების“ ლიდერების განცხადებებზე საპასუხოდ განაცხადა.

როგორც ხოშტარიამ აღნიშნა, ოპოზიცია არ ჰკადრებს ამომრჩეველს ზიზღს, ბოროტებასა და გახლეჩას, რასაც მისივე თქმით, ამომრჩეველს მმართველი გუნდი სთავაზობს.

„პოლიტიკური პარტიების მიმართ ჯიბრის გამო, მზად არიან, შეწირონ ადამიანების ინტერესი, ანუ იძახიან, რომ მაგალითად სენაკელებო, თუ აირჩევთ ოპოზიციას, მე თქვენ ჯინაზე ვიმოქმედებ მერე. ეს არის ლუსტრაცია, თუ რა უნდა „ქართულ ოცნებას“ და რა უნდა კოალიციურ მმართველობას. თქვენ მეუბნებით, რომ „ქართული ოცნების“ წარმომადგენლები წაგების შემთხვევაში გაბედავენ, რომ ხალხის ინტერესები, ბიუჯეტის დამტკიცება იქნება თუ სხვა, ამის საბოტაჟს მოაწყობენ, ვერ გააკეთებს ამას ვერავინ და ამას დიდი პოლიტიკური ფასი ექნება. ვერ ვაკადრებთ ამომრჩეველს ზიზღს, ბოროტებას, გახლეჩას, რასაც „ქართული ოცნება“ სთავაზობს“, - განაცხადა ელენე ხოშტარიამ.

ცნობისთვის, პრემიერ-მინისტრი ირაკლი ღარიბაშვილი რეგიონებში, სადაც არჩევნების მეორე ტური უნდა გაიმართოს, პარტიის წევრებთან ერთად მოსახლეობასთან შეხვედრებს განაგრძობს. ერთ-ერთ შეხვედრაზე პრემიერ-მინისტრმა განაცხადა, რომ ოპოზიციამ რომ გაიმარჯვოს, „ნაბიჯს ვერ გადადგამს“, რადგან ცენტრალური ხელისუფლება „ქართული ოცნების“ ხელშია.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა