2021-10-18 15:28:32, 545 ნახვა
პოლიტიკა
ჯუანშერ ბურჭულაძე - ჩვენი და აშშ-ის ურთიერთობა სინქრონულ რეჟიმშია, არ გვაქვს ურთიერთობაში სიურპრიზები
საქართველო-აშშ-ს ურთიერთთანამშრომლობა არის სინქრონულ რეჟიმში, ჩვენ ერთმანეთის პარალელურად ვდგამთ ნაბიჯებს და არ გვაქვს ურთიერთობაში სიურპრიზები, - ამის შესახებ საქართველოს თავდაცვის მინისტრმა, ჯუანშერ ბურჭულაძემ განაცხადა.
ჯუანშერ ბურჭულაძემ აშშ-ის თავდაცვის მდივანთან, ლოიდ ოსტინთან ერთობლივ პრესკონფერენციაზე რუსეთის მხრიდან საქართველოს ოკუპაციაზეც ისაუბრა.
„ჩვენ ვისაუბრეთ შეხვედრის ფორმატში, რომ ოკუპაცია არის ყოველდღიური. ჩვენ შეიძლება ამ დღეების განმავლობაში ვიხილეთ ოკუპაციის სხვა მეთოდი, მომდევნო კვირას, შესაძლოა, ვიხილოთ კიბერთავდასხმა. სხვადასხვა მეთოდებია გამოყენებული ჩვენი ქვეყნის წინააღმდეგ", - განაცხადა მინისტრმა.
ავტორი: ექსპრესნიუსი,
epn.ge (@expressnews.ge)
