2021-10-18 13:08:46, 674 ნახვა
პოლიტიკა
ადვოკატი არ გამორიცხავს, საჭიროების შემთხვევაში, მიხეილ სააკაშვილის საკანშივე მონახულების მოთხოვნა დააყენონ
ადვოკატი ბექა ბასილაია არ გამორიცხავს, საჭიროების შემთხვევაში, საქართველოს მესამე პრეზიდენტის, მიხეილ სააკაშვილის საკანშივე მონახულების მოთხოვნა დააყენონ.
აღნიშნულის შესახებ ადვოკატმა სასჯელაღსრულების მე-12 დაწესებულებასთან განაცხადა, სადაც ის მიხეილ სააკაშვილთან შესახვედრად ემზადება.
„როგორც კი ექიმებისგან მივიღებთ შესაბამის რეკომენდაციას, ბუნებრივია, ვიმოქმედებთ რეკომენდაციის შესაბამისად და მე ვფიქრობ, რომ თუ საჭიროება იქნება, პენიტენციურმა სამსახურმა საშუალება უნდა მოგვცეს, რომ საკანშივე მოვინახულოთ მიხეილ სააკაშვილი, რომ ეს დამატებითი სტრესი და დატვირთვა არ იყოს მისი ჯანმრთელობისთვის“, - განაცხადა ბექა ბასილაიამ.
ავტორი: ექსპრესნიუსი,
epn.ge (@expressnews.ge)
