მანამ სანამ ხელისუფლების უთავმოყვარეო ჯამბაზებს თქვენი მესამე პრეზიდენტი ჰყავთ ციხეში გამოკეტილი, ჩვენ მშვიდად ვერ ვიქნებით, - ამის შესახებ „ნაციონალური მოძრაობის“ თავმჯდომარემ, ნიკა მელიამ აქციაზე, სიტყვით გამოსვლისას განაცხადა.

ნიკა მელიას თქმით, საპროტესტო აქციაზე ყოფნისას მას ბევრი ემოცია დაუგროვდა, მათ შორის, ბრაზის, იმედისა და სოლიდარობის.

„როგორც არასდროს, დღეს ყველა ამ ქვეყანაში, თქვენი შემხედვარე არის ამაყი და დიდი მადლობა ამ ყველაფრისთვის, მადლობა რომ არსებობთ, მადლობა, რომ გული გიძგერთ ქართული პატრიოტიზმით. დღეს ძალიან ემოციური დღეა, ყველასთვის. ძალიან ბევრი ემოცია ირევა ერთმანეთში, ბევრი ემოცია ირევა და პირველ რიგში, პირველი ემოცია ეს არის ბრაზი, ბრაზი იმიტომ, რომ აქ და ახლა, ჩვენს თვალწინ, საქართველოში ისტორიული უსამართლობა ხდება. დიახ, ისტორიული უსამართლობა ხდება. თითოეული ჩვენგანი ძალიან მაგრად გაბრაზებულა ისტორიულ უსამართლობაზე საქართველოს ისტორიის წიგნებს როდესაც ვკითხულობდით, სადაც ბევრჯერ განგვიდევნია, შეგვივიწროვებია ან მოგვიკლავს კიდეც.

მეორე ემოცია, რომელიც ამდენ ემოციაში ირევა, არის იმედი და რატომ იმედი? იმიტომ რომ ის რაც უკვე მოხდა, მოხდა და ისტორიას ვეღარ შევცვლით, მაგრამ დღევანდელობას შევცვლით ჩვენი სიმრავლით, სიმტკიცით და სიმართლით. ამ ყველაფრით შევცვლით რეალობას და დღევანდელობას, ამიტომაც, ერთ-ერთი ემოცია რომელიც გვეუფლება ახლა, არის იმედი.

კიდევ ერთი ემოცია, რომელიც აქ ირევა, თავისუფლების მოედანზე, არის სოლიდარობა. ყველამ ძალიან კარგად ვიცით, განურჩევლად პოლიტიკური შეხედულებისა, მანამ სანამ ხელისუფლების უთავმოყვარეო ჯამბაზებს თქვენი მესამე პრეზიდენტი ჰყავთ ციხეში გამოკეტილი, ჩვენ მშვიდად ვერ ვიქნებით, ხელებს არ ჩამოვუშვებთ, მანამ, სანამ სამართლიანობა არ იზეიმებს.

დღეს ყველა, გარდა სამარცხვინო ხელისუფლებისა, გარდა ოკუპანტებისა, გარდა კრემლის პროპაგანდისტული არხებისა, ყველა სოლიდარულია მიხეილ სააკაშვილის მიმართ და ნურავის ექნება იოტისოდენა იმედიც კი, რომ ვინმე შეეგუება მოცემულობას, რომ მიხეილ სააკაშვილი ამ ქვეყნის მესამე პრეზიდენტი იქნება ციხეში გამოკეტილი და ჩვენ ბრძოლას არ გავაგრძელებთ მანამ, სანამ ის არ გამოვა გარეთ“, - განაცხადა ნიკა მელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა