უკრაინელი დიპლომატები მუდმივ კონტაქტში არიან საქართველოს ყოფილ პრეზიდენტ მიხეილ სააკაშვილთან, რომელიც დაპატიმრების შემდეგ ციხეშია. როგორც „ Европейская правда“ იტყობინება, ამის შესახებ საგარეო საქმეთა მინისტრმა დიმიტრი კულებამ ბრიფინგზე განაცხადა.

"ჩვენ ვამყარებთ მუდმივ კონტაქტს მიხეილ სააკაშვილთან, ადვოკატებს აქვთ მასთან მუდმივი კონტაქტი,   ადვოკატებს აქვთ მასთან დაშვება, კონსულს აქვს მასთან დაუბრკოლებელი დაშვება. უკვე შედგა მასთან რამდენიმე საუბარი, რა დროსაც ჩვენ გავარკვიეთ მისი და მისი ადვოკატების მკაფიო პოზიცია“, – განაცხადა დმიტრო კულებამ.

მინისტრმა დაამატა, რომ საგარეო საქმეთა სამინისტრო ახლა სწავლობს საქმის სამართლებრივ მხარეს.

"მინდა კიდევ ერთხელ აღვნიშნო, რომ სააკაშვილი უკრაინის მოქალაქეა და ჩვენ არ ვტოვებთ ჩვენს მოქალაქეებს საზღვარგარეთ გასაჭირში. ამიტომ, როდესაც მიღებულ იქნება გადაწყვეტილება, თუ რა გზით გავაგრძელოთ სვლა, ეს კი შეიძლება, იყოს არა მხოლოდ ექსტრადირება, მაშინ ამის შესახებ გაცნობებთ“, – განაცხადა კულებამ.

შეგახსენებთ, რომ სააკაშვილი ახლა რუსთავის მე – 12 სასჯელაღსრულების დაწესებულებაშია, სადაც პოლიტიკოსი 1 ოქტომბერს დაკავების შემდეგ მოათავსეს. მან შიმშლობა გამოაცხადა და მეცამეტე დღეა შიმშილობს.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა