დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ ქვეყანაში ბოლო 3 დღის განმავლობაში შეინიშნება ეპიდვითარების გაუარესების ტენდენციები.

როგორც გამყრელიძემ იმუნიზაციის საბჭოს დასრულების შემდეგ, ბრიფინგზე განაცხადა, ეპიდვითარების გაუმჯობესების პროცესს მხოლოდ და მხოლოდ მასობრივი ვაქცინაცია შეაჩერებს.

„ძალიან საყურადღებო და გასათვალისწინებელი მიმდინარეობაა, იცით, რომ ეპიდსიტუაცია სტაბილურად უმჯობესდებოდა ქვეყანაში და ყველა მაჩვენებელი იკლებდა, თითქმის ბოლო ერთი თვეა, ინციდენტობა, დადებითობის მაჩვენებელი, შემდგომ ყველაზე მძიმე ინდიკატორი, სიკვდილიანობაც წამოვიდა ქვემოთ, რეპროდუქციის ინდექსი, მაგრამ ბოლო 3 დღეა შეიმჩნევა ეპიდსიტუაციის გაუარესების ტენდენცები, იმიტომ რომ, ბოლო 3 დღეა წინა ორ კვირასთან შედარებით სამშაბათიც, ოთხშაბათიც, ხუთშაბათიც, გვაქვს 300 ერთეულით მეტი ახალი შემთხვევები, ვიდრე ეს იყო წინა კვირაში. ეს ძალიან ყურადღება მისაქცევი ფაქტია, რომ ჩვენ ისევ ნელ-ნელა გვეწყება ზრდა ახალი შემთხვევების. ამას შესაძლოა ბევრი მიზეზი ჰქონდეს, ამიტომ, ამ პროცესს შეაჩერებს მხოლოდ და მხოლოდ მასობრივი ვაქცინაცია, სწორედ ის, რომ დავარდა ქვეყანაში ვაქცინაციის მაჩვენებელი და გვაქვს 7-8-9 ათასის ფარგლებში ვართ, ეს არის ძალიან ცუდი“, - განაცხადა გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

IT სპეციალისტ გიორგი კვიცარიძეს რომელმაც პოლიციის განყოფილებაში წამების კადრები მოიპოვა, 17 წელი პატიმრობა შეუფარდეს

ზურაბ ცეცხლაძე გიორგი გველესიანზე: სამარცხვინოა, ეროვნული ნაკრების თითქმის მთლიან შემადგენლობას მოღალატეები უწოდო

ბუდუ ზივზივაძის მამა გველესიანის ინტერვიუზე - მოღალატეებს რომ უწოდებს თანაგუნდელებს, ნეტავ სინდისი არ აწუხებს?

გარემოს ეროვნული სააგენტო - ბათუმში 21 საათის განმავლობაში უწყვეტად წვიმდა - 24-საათში მოსული ნალექის რაოდენობა უპრეცედენტოა