ქუთაისის დავით აღმაშენებლის სახელობის საერთაშორისო აეროპორტი ცხრა წლისაა! ამ დღესთან დაკავშირებით საქართველოს აეროპორტების გაერთიანების დირექტორმა ის 17 თანამშრომელი, რომლებიც ლოქდაუნის დროს ჯანდაცვის სამინისტროს ცხელი ხაზისთვის მოხალისეებად მუშაობდნენ მადლობის სიგელებით დააჯილდოვა.

,,9 წლის წინ კოპიტნარში მდებარე აეროპორტის სრული რეაბილიტაცია განხორციელდა. მოეწყო ახალი ასაფრენი-დასაფრენი ზოლი, თვითმფრინავების სადგომები და სრულიად ახალი ტერმინალი და ახალი სანავიგაციო კოშკურა. შესაბამისად, საქართველოს შეემატა ქუთაისის საერთაშორისო აეროპორტი, რომელიც  ევროპაში დღესდღეობით საკმაოდ სწრაფად მზარდი აეროპორტია. იმედი გვაქვს, რომ პანდემიის პირობებშიც შევძლებთ სწრაფად განვითარებას.

ლოქ დაუნის დროს,  ქუთაისის აეროპორტში მხოლოდ ტექნიკური ფრენები ხორციელდებოდა. ამ პერიოდში ქუთაისის საერთაშორისო აეროპორტის მგზავრთა გადაყვანის სამსახურისა და საქართველოს აეროპორტების გაერთიანების ცენტრალური ოფისის თანამშრომლები მოხალისეებად იყვნენ ჩართულები სახელმწიფოს მიერ კოვიდ პანდემიასთან ბრძოლის ქოლ ცენტრში. მინდა მათ ამ მძიმე პერიოდში ქვეყნის სამსახურში დგომისთვის მადლობა გადავუხადო,-‘’განაცხადა თამარ არჩუაძემ.

გახსნიდან დღემდე, ქუთაისის საერთაშორისო აეროპორტი 3 100 000-ზე მეტ მგზავრს მოემსახურა. ამ ეტაპზე,  დავით აღმაშენებლის სახელობის აეროპორტიდან პირდაპირი რეგულარული რეისები ევროპისა და აზიის 20 მიმართულებით სრულდება. მალე ქუთაისის საერთაშორისო აეროპორტს ახალი რეისები დაემატება: ბარსელონა – 31 ოქტომბრიდან; ვენა – 2 ნოემბრიდან; ბერლინი – 2 ნოემბრიდან; აბუ-დაბი – 16 დეკემბრიდან. 

ავტორი: NS (სტატია დაფინანსებულია),

სოციალური ქსელები

გორდულაძე – ევროპარლამენტმა უსაფუძვლო და თავდასხმაზე ორიენტირებული რეზოლუციები ცხრაჯერ გაისროლა და ცხრაჯერვე ააცილა

ირაკლი ნადირაძე - ივანიშვილის რუსულ, ავტოკრატიულ რეჟიმთან არც საპროცესო შეთანხმებას და არც შეწყალების თხოვნას არათუ არ ვაპირებ, არც კი განვიხილავ

გიორგი შარაშიძე – ქართული ოცნების ლიდერებმა საკუთარ თავს მოჰკითხონ, რატომ დგება დღის წესრიგში მათი დასანქცირების საკითხი

თურქეთში, საქართველოს საზღვართან ახლოს, სატვირთო მანქანების სადგომზე მეწყერი ჩამოწვა, რასაც მსხვერპლი მოჰყვა