2021-08-09 18:44:20, 703 ნახვა
პოლიტიკა
გაუარესებული ეპიდვითარების გამო, პრეზიდენტი მასშტაბურ ღონისძიებებში მონაწილეობას არ მიიღებს
გაუარესებული ეპიდემიოლოგიური ვითარების გამო, საქართველოს პრეზიდენტი მასშტაბურ ღონისძიებებში მონაწილეობას არ მიიღებს -ამ ინფორმაციას პრეზიდენტის ადმინისტრაცია ავრცელებს.
მათი ინფორმაციით, პრეზიდენტი არც ოლიმპიადაში მონაწილე სპორტესმენებს შეხვდება.
„გაუარესებული ეპიდემიოლოგიური ვითარების გამო, საქართველოს პრეზიდენტი მასშტაბურ ღონისძიებებში მონაწილეობას არ მიიღებს და აუქმებს საქართველოს პრეზიდენტის ადმინისტრაციაში დაგეგმილ ყველა მასშტაბურ შეხვედრას. ასევე, საქართველოს პრეზიდენტის ადმინისტრაციაში ქართველი ოლიმპიელების მიღება აღარ გაიმართება.
პრეზიდენტი მოუწოდებს ყველას - გაუფრთხილდნენ ერთმანეთს, დაიცვან კოვიდრეგულაციები, ეპიდემიოლოგთა რეკომენდაციები და ჩაიტარონ ვაქცინაცია!“ - ნათქვამია ადმინისტრციის განცხადებაში
ავტორი: ექსპრესნიუსი,
epn.ge (@expressnews.ge)
