გასაგებია რომ ესეც წინასაარჩევნო გარიგებაა, ამჯერად ხატს ცვლიან ხმებში, - ასე აფასებს „გირჩი - მეტი თავისუფლების“ ლიდერი, ზურაბ ჯაფარიძე პატრიარის მიერ ანჩისხატის ეკლესიისთვის გადაცემის თხოვნით პრეიმერ-მინისტრთან გაგზავნილ წერილს.

ჯაფარიძე წერს, რომ პრობლემა არის კონკორდატი, რომელმაც საპატრიარქო „მატერიალურ კეთილდღეობაზე ორიენტირებულ პოიტიკურ ორგანიზაცმად“ გადააქცია.

„პრობლემა არის კონკორდატი და მისგან გამომდინარე პრივილეგიები, რამაც გადააქცია საპატრიარქო მატერიალურ კეთილდღეობაზე ორიენტირებულ პოლიტიკურ ორგანიზმად

პრობლემა არის მაღალი სასულიერო იერარქების ეთნო-რელიგიური ფუნდამენტალიზმი და საბჭოთა აზროვნება, რამაც, სხვა გარემოებებთან ერთად აქცია საპატრიარქო რუსეთის მთავარ საყრდენად ამ ქვეყანაში

ესაა პრობლემები, ქსენოფობიაა პრობლემა, შეუმწყანრებლობაა პრობლემა, ძალდობის და ანტი-ქრისტიანობის ქადაგებაა პრობლემა, ბიუჯეტიდან მილიონების მიღებაა პრობლემა, შავი ჯიპებია პრობლემა, გადასახადებისგან გათავისუფლებაა პრობლემა, მიწების, ტყეების და უძრავის ქონების საარჩევნო მხარდაჭერაში დაბარტერებაა პრობლემა, ფარისევლობაა პრობლემა, რუსეთის მორჩილებაა პრობლემა და ა. შ. და ა. შ.

თორემ ხატი ეკლესიისაა, ყოველთვის ეკლესიის იყო და აქამდეც უნდა დაებრუნებინა სახელმწიფოს

‘აუ, ძალიან ძვირფასი ხატია და სახელმწიფო უფრო კარგად მოუვლის’ - საშიში ლოგიკაა, ამ ლოგიკით ყველას შეგიძლია ყველაფერი წაართვა თუ კარგად მოინდომებ

და მოუნდომებიათ და წაურთმევიათ წარსულში არაერთხელ

პ.ს. გასაგებია რომ ესეც წინასაარჩევნო გარიგებაა, ამჯერად ხატს ცვლიან ხმებში, მაგრამ მაინც“, - წერს ზურაბ გირჩი ჯაფარიძე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა