საპარლამენტო ფრაქცია ,,შარლ მიშელის რეფორმების ჯგუფი" შესაძლოა, დაიშალოს. ამის მიზეზია ზურაბ ჯაფარიძის გადაწყვეტილება, რომელმაც პარლამენტის დატოვების თაობაზე განცხადება დღეს გააკეთა.

ზურაბ ჯაფარიძე ფრაქცია ,,შარლ მიშელის რეფორმების ჯგუფის'' წევრია. აღნიშნული ფრაქცია ამ დროისთვის შვიდი წევრისგან შედგება, რაც რეგლამენტით ფრაქციის არსებობისთვის საჭირო კვორუმია.

ფრაქციის შესანარჩუნებლად მეშვიდე დეპუტატის ფრაქციაში შესვლა იქნება საჭირო.

„შარლ მიშელის რეფორმების ჯგუფში'' შედიან: „სტრატეგია აღმაშენებელი'', ზურაბ ჯაფარიძე, გრიგოლ ვაშაძე, ხათუნა სამნიძე და ტარიელ ნაკაიძე. საპარლამენტო ფრაქცია მათ 3 ივნისს შექმნეს.

შეგახსენებთ, ,,ქართულმა ოცნებამ'' 19 აპრილის შეთანხმება ანულირებულად გამოაცხადა. ირაკლი კობახიძის განცხადების შემდეგ, პარტია „გირჩი – მეტი თავისუფლებისთვის'' ლიდერი ზურაბ ჯაფარიძე  19 აპრილის შეთანხმებიდან გავიდა და პარლამენტს ტოვებს.

ავტორი: ექსპრესნიუსი,

სოციალური ქსელები

ტრამპი: ერაყში მეტი ჯარისკაცი არ გვჭირდება

ზელენსკი: თუ პუტინი უკრაინაში წარმატებას მიაღწევს, ახალი ქვეყნების დაპყრობას შეეცდება

ტრამპი: რუსეთის წინააღმდეგ სანქციების კანონპროექტს შესაძლოა ირანი და ჰეზბოლა დაემატოს

რუსეთმა განაცხადა, რომ საქართველო სატვირთო მანქანების გავლას ზემო ლარსის საკონტროლო-გამშვებ პუნქტზე ბლოკავს