2021-07-19 10:54:46, 1289 ნახვა
პოლიტიკა
მთავრობის ადმინისტრაცია - ინფორმაცია, თითქოს პრემიერის დაგეგმილი ვიზიტი აშშ-ში ჩაიშალა, სიცრუეა
მთავრობის ადმინისტრაციის პრესსამსახურში განმარტავენ, რომ აშშ-ში პრემიერ-მინისტრ ირაკლი ღარიბაშვილის ვიზიტი დაგეგმილი არ ყოფილა და სრული სპეკულაციაა იმის მტკიცება, თითქოს ვიზიტი ჩაიშალა.
მათივე ცნობით, პრემიერ-მინისტრის ვიზიტების შესახებ ინფორმაციას პრესსამსახური წინასწარ ავრცელებს.
„გვსურს განვმარტოთ, რომ აშშ-ში პრემიერ-მინისტრის ვიზიტი დაგეგმილი არ ყოფილა. ცალკეული პირების მიერ გავრცელებული ინფორმაცია წარმოადგენს სიცრუეს და მიზანმიმართულ დეზინფორმაციას. პრემიერ-მინისტრის ვიზიტების შესახებ ინფორმაციას პრესსამსახური წინასწარ ავრცელებს. ამ შემთხვევაში კი მსგავსი რამ არ ყოფილა, შესაბამისად სრული სპეკულაციაა იმის მტკიცება, თითქოს პრემიერის დაგეგმილი ვიზიტი აშშ-ში, ჩაიშალა“, - აღნიშულია გავრცელებულ ინფორმაციაში.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
