„გირჩი - მეტი თავისუფლებას“ ლიდერის ზურაბ ჯაფარიძის განცხადებით, მას კორონავირუსი დაუდასტურდა, რის გამოც, ევროპული საბჭოს პრეზიდენტთან შეხვედრას ვერ დაესწრება.

ზურაბ ჯაფარიძე განმარტავს საკითხებს, რაზეც ევროპული საბჭოს პრეზიდენტთან შეხვედრაზე უნდა ესაუბრა.

როგორც ზურაბ ჯაფარიძე სოციალურ ქსელში წერს, ევროკავშირის მხრიდან მმართველ პარტიასთან მიმართებაში უფრო მკაცრი და ზუსტი გზავნილებია საჭირო და „ქართულმა ოცნებამ“ შეთანხმების დარღვევისთვის პოლიტიკური ფასი უნდა გადაიხადოს, რაც შესაძლოა ინდივიდუალური სანქციებით გამოიხატოს.

„პრეზიდენტ მიშელთან შეხვედრას ვერ ვესწრები. შეხვედრაზე დასწრების წინაპირობა იყო PCR ტესტი. გუშინ დამტესტეს და დღეს მითხრეს, რომ პასუხი დადებითია. არანაირი სიმპტომი არც მქონია, არც მაქვს, მაგრამ გასაგებია, რომ შეხვედრაზე ვერ მოვხვდები.

რის თქმას ვაპირებდი შეხვედრაზე:

მას შემდეგ, რაც ევროკავშირის შეფასებით, „ოცნებამ“ დაარღვია 19 აპრილის შეთანხმების, მათივე შეფასებით, ყველაზე პრინციპული მუხლი - მართლმსაჯულების ნაწილი, ამ ხელისუფლებასთან ევროკავშირის თანამშრომლობის გაგრძელება business as usual, იქნება ფუნდამენტურად არასწორი.

ევროკავშირის მხრიდან საჭიროა დიაგნოზის საჯაროდ და ზუსტად დაფიქსირება, ყოველგვარი ზედმეტი დიპლომატიურობისა და ენის მოჩლექის გარეშე - რომ „ოცნების“ მმართველობის პირობებში საქართველომ გადაუხვია ევროატლანტიკურ გეზს.

არც მეტი, არც ნაკლები, ამ გზავნილის გაგონება მნიშვნელოვანია ამ ქვეყნის მოსახლეობის იმ ნაწილისთვის, რომელსაც, მიუხედავად ყველაფრისა, მაინც სჯერა, რომ „ოცნება“ პროდასავლური ძალაა.

ასევე, „ოცნებამ“ უნდა გადაიხადოს პოლიტიკური ფასი ევროკავშირის და აშშ-ს „გადაგდებისთვის“. სხვა შემთხვევაში „ოცნება“ კიდევ უფრო გათავხედდება. ასეთი ფასი შეიძლება იყოს ინდივიდუალური სანქციები. დასასანქცირებელი ხალხის ნაკლებობას არ განვიცდით.

ნებისმიერი სხვა ნაბიჯი პრეზიდენტ მიშელის მხრიდან, მათ შორის მცდელობა, ხელახლა დაჯდეს ოპოზიცია მოლაპარაკების მაგიდასთან, ისე, რომ „ოცნებას“ წინა „გადაგდებისთვის“ არ ჰქონდეს გადახდილი სათანადო ფასი, იქნება ფუნდამენტური შეცდომა, კიდევ უფრო გააველურებს ხელისუფლებაში მყოფ ძალას და ბევრად უფრო ღრმა კრიზისში ჩააგდებს ქვეყანას“, - წერს ზურაბ ჯაფარიძე.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა