დღეს, ხაშურის მუნიციპალიტეტის საკრებულოს 7-მა მაღალი თანამდებობის პირმა დატოვა „ქართული ოცნება“ და გიორგი გახარიას პარტიას, „საქართველოსთვის“ შეუერთდა.

აღნიშნულის შესახებ ინფორმაციას პარტია „საქართველოსთვის“ პრესსამსახური ავრცელებს.

„არსებული სიტუაციიდან გამომდინარე, რადგან „ქართული ოცნება“, ოცნების ხელისუფლება დაშორდა იმ პრინციპებსა და მიზნებს, რომლისთვისაც ჩვენ 2012 წელს ვიბრძოლეთ, ვტოვებთ უმრავლესობის რიგებს და ვაგრძელებთ ბრძოლას, არათუ ვინმეს წინააღმდეგ, არამედ ჩვენი ქვეყნის უკეთესი მომავლისთვის. ჩვენ ბრძოლას ვაგრძელებთ, ბატონ გიორგი გახარიას გუნდთან ერთად. ვიცით რომ ჩვენს განცხადებას ბევრი ადამიანი ელოდება, მოგიწოდებთ შემოგვიერთდით ჩვენ ვერთიანდებით საქართველოსთვის“, - განაცხადეს დღეს გამართულ ბრიფინგზე ხაშურის საკრებულოს დეპუტატებმა.

პარტია „ქართული ოცნების“ დატოვების და პარტიაში „საქართველოსთვის" გადასვლის თაობაზე განცხადება გააკეთეს ფრაქცია „ქართული ოცნება -დემოკრატიული საქართველოს" თავმჯდომარე - ვაჟა ხარშილაძემ, სოციალურ საკითხთა კომისიის თავმჯდომარემ - ირინე გელაშვილმა, საფინანსო-საბიუჯეტო კომისიის თავმჯდომარე, მამუკა წიქარიშვილმა, ქონების მართვისა და ბუნებრივი რესურსების კომისიის თავმჯდომარე - ზვიად ტეფნაძემ, სამანდატო-საპროცედურო კომისიის თავმჯდომარე - ანა ხარებავამ, ფრაქცია  ქართული ოცნება -მრეწველების თავმჯდომარე - ჯონდო კაპანაძემ და  ფრაქცია ოცნება-მრეწველების თავმჯდომარის მოადგილე -  ემზარ მურჯიკნელმა.

ავტორი: ექსპრესნიუსი,

სოციალური ქსელები

საფრანგეთის ქალაქ ლიმოჟში, არეულობის დროს ხანძრის შედეგად, მე-19 საუკუნის მერიის კოშკი ჩამოინგრა

„ლინდსი შოკირებული იქნებოდა“ - რესპუბლიკელები ტრამპს რუსეთისთვის სანქციების შესახებ გადაწყვეტილების გამო აკრიტიკებენ

კობახიძე მედიას ცენზურას აქტიურად აგრძელებს და მედიასაშუალებებს სამართლებრივი დევნით ემუქრება

ქართული ოცნება – ივანიშვილმა შეაჯამა წარსულში გუნდში არსებული კორუფციული გამოწვევები და აღნიშნა, რომ პრემიერის, გუნდისა და ძალოვანი სისტემის ეფექტური მუშაობა